martes, 20 de novembro de 2018

A CRÓNICA DA XORNADA DOS ADESTRADORES

Xornada de novembro complicada a nivel de resultados pero hai días así, non sempre se gaña!
Vexamos no detalle que teñen que contarnos os nosos adestradores

Premini
Liga Zonal de Santiago de Compostela

E.B Negreira CBPS 20 - Galogrín 47

Polo coach Jose
Madrugón para xogar no pavillón do Restollal. Non nos prestou, saímos durmidos, encaixamos moitas canastras sen opoñer ningunha resistencia.


Levantando las manos!

No segundo cuarto xa defendemos mellor, o traballo de Hugo é unha garantía, pero faltounos acerto de cara o aro.
O terceiro e cuarto períodos, foron na mesma tónica, mellores defensas e unha canastra sumada.


No pares, sigue, sigue.

No quinto, sen embargo, gran saída a pista de Paula que gracias a boas defensas e roubos de balón colectivos, chegaba con vantaxe ó aro rival e conseguía sumar canastras a nosa conta, xunto con Nico. 
No derradeiro tempo, con Ana enferma (que xogou os séus dous tempos con dor de garganta, co cal demostra o seu compromiso co equipo) volvemos a ter pouco acerto, aínda que foi a estrea do noso Baby Álvaro que ademáis de boas defensas, meteu a súa primeira canastra. 


(de)Formas

Pese a derrota, hai que dicir que se nota o traballo de toda a semana, xa que hoxe fixemos dúas canastras de tres pases buscando o compañeiro mellor situado para tirar e para ser xustos có rival, claramente superior. 


Pausa

Tamén fixemos boas defensas, e incluso, algunha axuda defensiva que seguiremos mellorando. 
Xogaron: Ana, Sophia, Hugo Q, Hugo B, Paula, Álvaro, Carmen, Amaya e Nico.

Brión CBPS 0 - Basketdeza 50
Polo coach Chechu Yáñez

Querido lector desta crónica, non te deixes enganar polo marcador xa que o partido levado a cabo polo equipo de Brión foi sen dúbida un dos mellores da súa historia, por non decir o mellor. 


Na boa dirección

O equipo lalinense non dubidou en ningún momento en xogar as súas mellores cartas e esforzos dende o primeiro momento xa que viu nos nosos rapaces un rival de altura. 


Claroescuros


Sin embargo o noso equipo preferiu xogar a carta da modestia e esperou ata o quinto periodo para anotar a primeira canastra, para xúbilo dos numerosos siareiros que se atopaban na bancada. Non se recorda una celebración tal para a primeira canastra dun equipo. 


Houbo canastras

No ultimo cuarto realizamos un xogo espectacular anotando con facilidade e disfrutando do baloncesto en equipo. Nesta ocasión realizaron una oda ó baloncesto Iria, Lupe, Manuel, Hugo, Noa, Ainhoa, Martiño, Helena, Sofia e Xabi. Equipo, sigamos traballando, mellorando e disfrutando.

Portofino CBPS 33 - Lasalle Inmaculada 34
Polo Coach Tardón Beiro

Emocionante partido o xogado o sábado a mañan polo noso Portofino CBPS no Restollal.


Mirando o aro

Deixando de lado o resultado q non é o importante o q debe preocupar aos rapaces é o paso atrás dado no seu xogo. 


Defense Break

Aumentaronse as imprecisións, os erros de canastas doadas e os despistes en defensa, tarefas a mellorar nos entrenos das vindeiras semanas.


A fuga

Subliñar o debut no banco da cadete Valeria coma coach axudanta. Esperemos que sexa o debut dunha larga carreira!


Xogaron José, Dani, Iago, Óscar, Lucas, Mauro, Iker, Brais e Elba.

Mini Feminino
Liga Zonal de Santiago de Compostela
Rosalía de Castro 26 - Tradigas Procesados Portosín CBPS 34
Polo coach David Suárez

Tocaballe madrugar o Tradigas-procesados Portosin CBPS para enfrontarse o Rosalía cas baixas de Lucía, Julia e con Marcela entre algodóns polo que veu axudar a premini Sofía xogando un moi bo partido.


Buscando sitio

O inicio foi moi igualado con numerosos fallos de cara o aro por ambos equipos. 



Duelos

No 4to periodo unha boa defensa a toda pista permetiu recuperar moitos balóns e acadar un parcial de 0 - 11 que ao final foi definitivo. 

A parada

Xogaron Marcela Xiana Ana Ainhoa Iría Candela Lía e as preminis Sofía e Aitana

Mini Masculino
Liga zonal de Santiago de Compostela
We Robots - Larpeiradas CBPS 44 - Cluny 21
Polo coach Álex

Tocou empezar a liga contra Cluny e non podía ser de mellor maneira. A alta intensidade, tanto en defensa como en ataque, fixo que todas as nosas canastas foran en contraataque. 
O corte

A partir do cuarto período a nosa defensa baixou a media pista e xogamos os ataques en estático, co cal se nos fixo un pouco máis complicado anotar. 


Desbordando
Malia todo, o marcador non perigou e trouxemos a vitoria para casa.


Berridos


Xogaron: ÁLEX, ALEIXO, SAMU, ROI, DANI, LOIS, LUCAS, CELSO e ÁLVARO.

MINI MIXTO
Liga Zonal deSantiago de Compostela
Escolas Brión / Negreira / Lousame CBPS 11 - Basquet Ames 44
Polo Coach Mozan

@s rapaces da Escolas Brion-Negreira-Lousame CBPS facían o seu ansiado debut
este sábado pasado, diante do Basquet Ames.


O debut

Moitos nervos para os nosos xogadores e xogadora, que disputaban o primeiro encontro oficial da súa carreira en un bo número de eles. Pero por riba de todo, moitisima ilusión e miradas que reflectian un brillo impresionante.

E así comenzou o encontro frente a un moi bo rival que dende o principio mostrouse moi
superior no xogo, aínda cos nosos foron quen de pasarse o balón entre eles de forma moi
meritoria as veces. 


Buscando o seu

Hai que ter en conta que este equipo trátase dunha mistura de tres escolas diferentes e era a primeira vez que coincidían todos xuntos

E só a inocencia de nenos é capaz de facer cun dos nosos xogadores, ao marcar a súa
primeira canasta, correra por tódala banda cos brazos en alto para celebrar tremenda xesta.


Bandazo

O primeiro paso xa está dado, por diante queda una larga andaina que disfrutaremos todos xuntos.

Xogaron:
Marcos, Ángela, Nicolás, Nacho, Alejandro, Pedro, Daniel, Óscar e Martín.

Preinfantil feminino
Liga Galega
Estudiantes de Lugo 70 - Excavacións Darío-Bodegón O Pescador CBPS 22
Polo Coach Luis Forés

Tarde de domingo onde o equipo ESCAVACIÓNS DARIO BODEGON O PESCADOR CBPS visitaba Lugo para enfrontarse ao ESTUDANTES LUGNO LEYMA NATURA, un dos equipos mais duros da categoría  e uns dos favoritos a estar no pódium final.


Ao principio, todo ía ben

O equipo sonense desprazábase con 7 xogadoras dispoñibles mais Lucía, que estaba con problemas de costas e que se esforzou para dar dous minutos de descanso ás súas compañeiras. Pero como na serie "Os problemas crecen", a nós non paran de crecernos. No primeiro cuarto, Carla tras un encontrón tivo que abandonar o partido e ser trasladada ao hospital por un golpe na cabeza. Afortunadamente, só un lategazo cervical pero o equipo notou a súa ausencia, sobretodo a nivel emocional. 

Soas 

O fácil era baixar os brazos e deixar pasar o partido, pero non, este equipo loita e sacrifícase, e as 6 xogadoras que quedaron pelexaron ata esgotar as forzas. Iso fai que tanto adestradores, pais e club estean orgullosos delas.

No relativo ao partido, non tivo moita historia. O Estudantes dominou o encontro con comodidade aumentando a difereza en cada periodo ata o marcador definitivo.


Lucenses dominantes

Polo ESCAVACIÓNS DARIO BODEGON Ou PESCADOR CBPS xogaron Noa, Paula Castro, Paula Fernandez, Sara, Carla, Candea, Iria e Lucía.

Agora toca descansar e tentar recuperar lesionadas para o seguinte encontro.

MOZAS, podedes estar orgullosas.

Infantil Masculino
Liga Zonal de Santiago de Compostela
Compañía de María 74 - Paco's Moda Garaxe Xuño CBPS 37
Polo Coach Bule

Tocáballe ao Paco's Moda/Garaxe Xuño CBPS visitar a cancha duns dun favoritos da liga, os sempre competitivos rapaces de Compañía de María.

Sen medo


Cando xogas fronte a un rival máis potente, tecnicamente e fisicamente, hai dúas solucións: ou te achicas, e levas unha pana, ou decides que de perdidos ao río, vas xogar como sabes, sen perderlle nunca a cara ao rival.

No primeiro cuarto parecía que o equipo sonense elexira a primeira opción; malas decisións, pouca intensidade e cara de resignación; ameazaba tormenta.

Faladoiro

E nese punto estabamos cando os vistantes decidiron rebelarse, liderados dende a base menos agardada. Os dous seguintes cuartos foron un exercicio de equilibrio interesante, xogándolle de ti a ti ao locais e competindo moi ben.

Tan só o baixón físico do derradeiro cuarto, lóxico cunha rotación tan curta coma a nosa, empeorou os números pero non a sensación de satisfaccción pola loita e entrega dos sonenses. Hai derrotas que son pequenas vitorias.

Miradas

Xogaron: Henok, Manu B., Manu C., Samu, Leo, Jaime, Hugo e Pedro.

Cadete Masculino
Liga Zonal de Santiago de Compostela
Tiendas Pillados - A Nosa Ría CBPS 66 - Compañía de María 47
Polo coach Juan Filgueiras

Encontro disputado na mañá do domingo en Trapa con bastante público e que trouxo outra victoria do cadete Tiendas Pillados/A Nosa Ría CBPS ante un bon Compañía.

En primeiro lugar destacar o traballo de equipo. Todos os xogadores disputaron e mesmo tempo na pista e os cambios non se notaron en ningún momento. Esto indica o nivel de progreso nos adestramentos onde cada vez son de mellor calidade.

O mellor rival ata agora na liga con moita intensidade e superior a nós físicamente. 

O equipo estivo moi ben en defensa, nas transiciòns e por momentos en ataque estático.
Sinalar os erros dende o tiro libre con 20 fallos.

Faltaron ao encontro Denís e Pinaya.
Xogaron : Andres, Abel, Isaac, Isma, Martín, Fran, Noel, Henok e Manu.

E esta foi a mirada dos adestradores sobre a xornada, e así o contamos.

martes, 13 de novembro de 2018

O resumo da xornada CBPS

Premini
Liga Zonal de Santiago de Compostela
Portofino CBPS 68 - Fontiñas 34

Polo coach Beiro



Na chuviosa mañan de sábado debutaban os nosos preminis do Portofino CBPS, unha mezcla dos dous equipos premini do ano pasado, con incorporación de babys e novos xogadores. 

O equipo empezou moi espeso, con erros en defensa e precipitacións propias do debut para ir pouco a pouco encauzandose e sacando o partido adiante. Acabaronse facendo xogadas en ataque que remataron en canasta tras compartir o balon os 4 xogadores en pista. 

En defensa queda moito por mellorar, fomos moitas veces ao bulto en vez de defender cada un o seu pero foi unha boa proba para ser o primeiro partido e os poucos adestramentos todos xuntos. 



(vídeo obra de Nacho Fernández)

Gustariame destacar o traballo feito por Luis Otero, o noso fundador, agora de ano de descanso, con Dani, Iago, Jose, Brais e o de Chechu Yañez, agora nun novo proxecto no seu pobo de adopción, con Iker, e Oscar que fai que todo sexa mais facil e tamen o debut de Lucas e Elba recen chegados ao mundo do baloncesto e do baby Mauro. Este sábado o seguinte partido, a seguir mellorando.



ADM Ames 27 - E.B. Concello de Negreira CBPS 29
Polo coach Jose




Por fin chegou o día para os rapaces do E.B. Concello de Negreira CBPS, de volta no pavillón do Restollal (para algúns estreo neste mundo do baloncesto), fronte os nosos veciños de Bertamiráns.
O partido moi igualado nos tres primeiros tempos.
Nos dous seguintes, un tempo para cada equipo deixando o outro con cero puntos no tanteo parcial.
No derradeiro, os negreireses con boas defensas e presionando o saque conseguen darlle a volta o encontro levando a victoria para a outra beira do Tambre.
Moi boa actitude n@s xogadoras/es que comezaron o ano pasado, con grandes melloras en algúns deles. Os que comezaron este ano, apuntan maneiras, con gañas de balón, sen medo a botar, saír e tirar a canastra.
Hay moito que traballar coma, correr separados  e non ir todos ao balón en ataque. En defensa estar pendentes do noso par e axudar máis os compañeiros cando escapan os riváis.
Xogaron: Ana, Sophia, Miguel, H. Barbeira, H. Quintáns, Paula, Álvaro, Carmen, Amaya e Nico

Inmaculada 58 - Baloncesto Brión CBPS 10
sen crónica.


Mini Feminino
Liga Zonal de Santiago de Compostela
Tradigas Procesados Portosín CBPS 31 - Fontiñas 40
Polo coach David




Primeiro partido da tempada para o Tradigas Procesados Portosín CBPS e tamén para varias das suas xogadoras que pese empezar algo nerviosas foron asentándose e ata conseguiron anotar. 

O partido non foi bo aínda que tuvo momentos de bo xogo, sobre todo na defensa onde conseguiron que as suas rivais non pasarán do medio campo nos 8" en varias ocasións. 

De cara o aro non estivemos moi afortunados e non conseguiamos anotar as numerosas xogadas nas que tíñamos vantaxes. 
O resultado foi CBPS 31 Fontiñas 40 aínda que as de Fontiñas non se presentaron co mínimo de xogadoras necesarias o cal nos da a vitoria. 

Xogaron Lucía Marcela Candela Ana Julia Iría Lia Ainhoa Xiana e a premini Aitana.

Preinfantil feminino
Liga Galega
Excavacións Darío-Bodegón O Pescador CBPS 41 - BBCA 59
Polo coach Luis Forès

Partido xogado nesta tarde de sábado de outono en Portosin onde o tempo deunos un pequeno respiro. As locais do Excavacións Darío-Bodegón O Pescador CBPS chegaban cheas de baixas e con xogadoras tocadas ante un rival moi complicado que se espera que este entre os 4 primeiros clasificados en liga ao final de tempada. Isto non foi problema para nosas loitadoras, que se deixaron a alma na pista e demostraron que poden competir con calquera equipo.



Mentres o físico aguantou, as nosas dominaron o marcador cun xogo moi directo onde todas e cada unha das xogadoras achegaba o seu granito de area. Mostra disto é o resultado ao final do 1º periodo onde se chegou cun 17 a 9 favorable ás nosas mozas.

O 2º cuarto foi un momento chave do partido. As nosas empezaron a esgotarse e iso fixo que as visitantes apertasen máis en defensa facendo un parcial de 2 a 19. Parecía que o partido se ía romper totalmente, pero as nosas xogadoras do Excavacións Darío-Bodegón O Pescador CBPS sacaron todo o que tiñan dentro para gañar o 3º período e achegarse no marcador a só 6 puntos de diferenza (32-38) e todo un periodo por xogarse.

No último tempo máis lesións, e algunha eliminada por faltas lastrou a remontada e fixo que o bo equipo do BBCA se escapase definitivamente no marcador e a victoria marchase para Ferrol por 41 a 59.

Hoxe podemos sacar moitas cousas en limpo.
1º como equipo podemos competir con calquera rival.
2º o sacrificio das nosas nenas é para quitarse o sombreiro. Non renderse ten que ser nosa marca
3º Os adestradores estamos moi ORGULLOSOS de vós (aínda que ás veces non o pareza) e os pais tamén o están.

Poderíase falar tambien da arbitraxe, pero mellor deixalo de lado porque senón...... Aínda que si vou facer un apuntamento, en liga galega fai falta máis dun árbitro.



(vídeo obra de Nacho Fernández)

Hoxe xogaron: CARLA, CANDELA, MARTA, SARA, MARIA, PAULA F., PAULA C. e IRIA. Tamen apoiaron ás súas compañeiras NOA, CRIS E LUCIA que estaban lesionadas.

PARABÉN MOZAS!! A SEGUIR TRABALLANDO PARA MELLORAR DÍA A DÍA. 

Infantil feminino
Liga Zonal de Santiago de Compostela
Peleteiro B 13 - Pescados Bormar CBPS 63
Polo coach Mozan




Segundo partido do noso equipo infantil femienino Pescados Bormar CBPS disputado en Santiago, e en onde a mistura de xogadoras de “vella xeneración” e xogadoras de “nova xeneracion” esta a dar unos resultados excelentes, moito mas alá do que di o marcador final. 

As “veteranas” coidan das novas en todo momento axudándolles en un sinfín de aspectos do xogo, e as novas cada minuto de xogo se van mostrando máis atrevidas á hora de facer cousas.




Suliñar tamen o debut de Marcela xogadora do equipo de Mini que en todo momento
mostrouse atenta e sabendo perfectamente o que tiña que facer.
Aínda que quen xogaba por primeira vez un encontro oficial foi Nuria, que se perdera o debut a semana pasada por una inoportuna lesión. A súa faciana ao remate do partido reflictía que mal non o pasou.

O encontro foi dominado polo noso equipo dende o primeiro minuto, gracias a unha moi boa defensa colectiva e rápidas accións de contrataque.

Agora toca seguir traballando con ese fogo nos ollos que teñen as nosas xogadoras en cada adestramento e en cada partido, e que tamén se reflexa nos nosos adestradores Mozan e Bule que disfrutan coma a elas en todo momento.




Bendita “inocencia”. Non a perdades nunca raparigas.
Xogaron: Marcela, Candela, Raquel, Maria, Lara, Nuria,Paula, Carla, Xiana e Noa,

Infantil Masculino
Liga zonal de Santiago de Compostela
Paco's Moda-Garaxe Xuño CBPS 79 - Disteva Rianxo 67

Partido de alternativos o xogado este domingo mañá na pista do Santa Irene sonense. Os rapaces do Paco's Moda-Garaxe Xuño CBPS segue a buscar o seu equilibrio entre momentos de dominio e xestión de momentos febles.



A nivel contable, o partido discurreu con altibaixos, vantaxes moi amplas con momentos onde o marcador se ía apretando, sen baixar dos 10 puntos de marxe para os nosos, iso si. É o que ten esa búsqueda dun equilibrio, que é inestábel.



O coach Mozan insistiu todo o encontro en que todos deben tomar riscos e ser osados de cara a canastra. Pero, ao mesmo tempo, esa necesidade de protagonismo indivual dentro dun marco colectivo ten que acompañada de paciencia para que as cousas ocorran cando teñen que ocorrer. E no control desa impaciencia estamos, aínda que houbo minutos de gran xogo por parte de xogadores habitualmente menos protagonistas. Neste aspecto, damos o partido por bó.



Toca seguir adestrando e mellorando, especialmente en defensa, onde seguimos a despistarnos de máis.

Xogaron: Samu, Henok, Manu C., Manu B., Pablo, Jaime, Leo e Hugo.

CB Santa Baia 67 - Lobos de Brion CBPS 17
Polo coach Mozan

Derrota do noso equipo Lobos de Brion CBPS frente a un rival claramente chamado a ser uno dos galos da competición.
Dende o principio de xogo os xogadores Boirenses foron amos e señores dos dous taboeiros o que lles permitiu correr en veloces contraataques e anotar canastras doadas, asi como dispor dun sinfín de segundos e terceiros tiros ata conquerir a canasta.

Os nosos xogadores, en un numero moi curto, sete en total, foron quen de non desanimarse en ningún momento e seguir atentos a facer as cousas que máis e millor dominamos.

E moi salientable a gran predisposición que teñen entre todos eles para pasarse o balón con moitisima xenerosidade e altruismo, e as canastas que acadamos viñan case que todas precedidas dun o dous pases excelentes.

A seguir traballando coa mesma paixón ca mostrada ata o momento e a seguir medrando cada día un pouco máis.
Xogaron: Mateo, Carlos, Miguel, Pablo, Alvaro, Jaime e Abel.

Cadete Feminino
Liga Zonal de Santiago de Compostela
CB Santa Baia 15 - Rótulos Ageitos CBPS 81
Polo coach Jose
Visitamos Santa Baia cas cadetes do Rótulos Ageitos CBPS para xogar un partido no que se traballou en fixar conceptos adestrados durantes as semanas anteriores, conseguindo bos ataques un contra un e tamén con velocidade no sistema probando diferntes situacións de rematar de cara o aro.




En defensa, máis activas, roubando moitos balóns para rápidas transicións e conseguindo sinxelas canastras soas baixo o aro.
Hoxe aportaron tódalas xogadoras en defensa, traducíndose en que puntuaron as dez alomenos dúas canastras.
Esta é a senda a seguir, máis velocidade no xogo con balón e máis actividade defensiva.
Vamos Son!
Mencionar a gran actitude das Boirenses, que xogaron con garra todo o partido, sen perderlle a cara ata o último segundo. Bravo!




Por último un saudo a nosa compañeira Rut Mei, que quixo poñer fin a súa etapa no noso clube. Desexámoste que che vaia ben no que emprendas.
Xogaron: Antía, Mariña, Carla, Sabela, Martina, Xiana, Carmen, Noa, Andrea e Valeria

Cadete Masculino
Liga Zonal de Santiago de Compostela
CB Noia 13 - Tiendas Pillados- A Nosa Ría CBPS 126
Polo coach Juan Filgueiras

Nova victoria do Tiendas Pillados - A Nosa Ria CBPS no derbi ante o Noia.
Os nosos rapaces foron moi superiores de inicio a fin superando con facilidade e relaxándose en moitas facetas do xogofronte a un rival que, a diferenza dos anteriores rivais, non ofreceu moita oposiciòn.
13 a 126 un resultado que puido ser moito máis amplio se os nosos se empleasen a fondo.

O equipo aproveitou para traballar rotaciòns complexas en defensa o que facilitaba que os noieses chegasen a canastra.

En ataque o equipo traballou aspectos tácticos nos que debemos mellorar.

Toca seguir adestrar pola semana para mellorar e afrontar o seguinte encontro.

Resaltar o apoio da grada que pese a xogare en Noia unha grandisima maioria do público era sonense gañando tamén nese aspecto por goleada.
Os nosos rapaces brindaron uns últimos minutos de espectáculo con pases, aleey-oops e un rebote ofensivo que, sen deixar baixar o balón, acabou en mate.

Xogaron: Pinaya, Isaac, Andrés, Fran, Martín, Noel, Isma, Henok e Manu

Baixas: Abel e Denís


E esta foi a nosa visión da xornada, e así a contamos

venres, 2 de novembro de 2018

A Xornada do CBPS

Este cronista despistouse pero non imos rematar a semana sen compartir convosco cales foron as sensacións dos partidos do fin de semana pasada, que máis de un tivo rasgos de Halloween.

PREINFANTIL FEMININO
Liga galega
CLB - Excavaciones Darío/Bodegón O Pescador 69 - 43
Polo coach Luis Forès

Tocoulle ao equipo preinfantil do EXCAVACIONES DARIO/BODEGON O PESCADOR CBPS desprazarse a Villagarcia para enfrontarse ao PASTELERIAS YOLI CLB.

Hasta ese momento to ía ben


Presumiase un encontro duro, e así foi. As nosas saíron durmidas, quizais pola hora (10 da mañá) pero sobretodo pola intensidade coa que saíu o equipo local que os levou a dominar no marcador cun 11 a 2 que obrigou a un tempo morto visitante. Tras ese tempo morto as cousas cambiaron e as sonenses foron máis directas ao aro e defenderon mellor, igualando así o marcador e finalizar o período con empate a 18.
O comenzo do 2º período foi un calco ao acontecido no inicio do partido.;perdas de balón moi doadas, erros defensivos e vantaxe para as locais ata un 37-25 ao descanso e 20 minutos por xogar.
“A can fraco todo son pulgas”. Cando se pensaba en remontar o partido apareceron os problemas físicos. 1º Noa tivo que abandonar o partido por problemas nun xeonllo e posteriormente Marta por problemas no aquiles, e se a iso sumámoslle as faltas persoais, difícil a tarefa a de remontar.
As nosas pelexaron ata o final, pero foi imposible competir cun equipo superior fisica e tecnicamente que nos penalizou en todos os nosos erros defensivos.
Felicitar ao equipo local pola vitoria e ás nosas nenas polo traballo e sacrificio realizado. Toca seguir adestrando duro para mellorar e corrixir os erros deste partido. Con traballo e gañas o equipo mellorará.


Fríos
Xogaron polo ESCAVACIÓNS DARIO BODEGON O PESCADOR CBPS:
Carla, Paula C., Paula F., Marta, Sara, María, Candea, Iria, Lucía e Noa. Segue de baixa Cris que acompañou ás súas compañeiras.
O próximo partido será contra o BBCA de Ferrol, dentro de dúas semanas.


ANIMO MOZAS, A SEGUIR TRABALLANDO PARA SER MAÑAN MELLORES QUE HOXE!

INFANTIL FEMININO
Liga Zonal
Pescados Bormar CBPS - ADM Peleteiro C 61-37
Polo coach Mozan

Xornada de debut para catro novas xogadoras do Pescados Bormar CBPS que vIron cumprido o seu soño de xogar un partido de competición oficial do seu deporte preferido; así que Raquel, María, Lara e Nuria, benvidas a este maravilloso mundo.


Un mundo por diante
E para debutar estiveron perfectamente escoltadas e axudadas polas nosas infantís de segundo año, xunto coas dúas infantís máis de primeiro ano e cunha selección duas xogadoras de mini basket que confoaron este equipo.
E para debutar un bo rival, o Peleteiro de Santiago que non permitía que as nosas xogadoras se relaxaran o máis mínimo, castigando sistematicamente os erros das nosas.
Malia esta dura oposición, as locais tomaron dende o principio o mando do marcador para non soltalo nunca. Co paso dos minutos, e coa aparición do cansancio no lado das compostelás, a vantaxa foi crecendo ata eses 24 puntos de marxe final.
Bo debut e unha boa experiencia para as nosas debutantes, e moi bos intres de xogo do resto das súas compañeiras, que estiveron moi pendientes de axudalas tanto en ataque coma en defensa.
Pasarémolo ben durante a tempada, non hai lugar a dúbida.


Feminismo
Xogaron: Lucia, Candela, Noa, Paula, Raquel, Maria, Lara, Noa e Xiana.

INFANTIL MASCULINO
2da División Liga zonal de Compostela
Paco's Moda/Garaxe Xuño CBPS - Basquet Ames 55-72

Polo segundo Bule

Gran encontro entre o Paco's Moda/Garaxe Xuño CBPS fronte a un dos favoritos da liga, o Basquet Ames xogando en Trapa co bo ambiente nas gradas.

A nivel de marcador, tras unha gran primeira parte onde chegaron a ter hasta 8 puntos de vantaxe (28-25 ao descanso), o equipo local acusou un baixón físico que aproveitaron os amenses para, primeiro, darlle a volta o electrónico e, segundo pasando os minutos, aumentar a vantaxe hasta os 18 puntos finais.

En termos de xogo, o noso equipo segue a buscar ese equilibrio entre xogadores experimentados e xogadores aínda por facer. Se na primeira parte esa fráxil alquimia funcionou máis que ben, na segunda parte, por mor do baixón xa sinalado, pero tamén pola angustia que provoca verse por debaixo no marcador, especialmente en defensa, onde o equipo sufriu máis da conta.

Pero isto non é máis que o principio, así que seguimos o noso camiño.

Masculismo
Xogaron: Henok, Manu C., Manu B., Jaime, Pablo, Hugo, Leo, Samu e Franco. 


3eira División Liga Zonal de Compostela
Brión CBPS - CB Ribeira 31-60

Polo Coach Mozan


Chegou o día, e o que hasta fai pouco tempo era só un esbozo dun novo proxecto das mentes inquietas dos directivos do CB. Porto Do Son, viu a luz.

O CB Brion CBPS disputou o seu primeiro partido oficial coma club, e seguro que serán moitisimos máis, ca disputa de un partido de categoría infantil frente o Club Baloncesto Riveira. E debutaron na súa cancha para que a ledicia fose maior aínda.

O resultado é o de menos, triunfo do equipo visitante 31 a 63, nun encontro que foi o primeiro partido oficial dos nosos xogadores.

E as sensacións foro francamente boas, e así una vez ían transcurrindo os minutos, cada vez os nosos solventaban os problemas na pista con máis determinación e claridade de ideas.

A seguir adestrando coa mesma paixón ca co están a facer, deixándose ensiñar e disfrutado do proceso.

Hai chicos novos na cidade

Xogaron: Miguel, Pablo, Abel, Álvaro, Mario, Carlos, Mateo, Jaime e Unai.
CADETE FEMININO
Liga Zonal de Compostela
Rosalía Pío XII - Rótulos Ageitos CBPS 58-22
Polo coach Jose

Día e partido frío en Santiago. Frío coma as nosas xogadoras do Rótulos Ageitos CBPS que hoxe non conseguiron entrar no partido coma indican as faltas cometidas durante o encontro, doce en total entre as dez xogadoras, oito delas repartidas entre as de sempre, Xiana e Andrea. 


Inmensidade

As santiaguesas saíron moi enchufadas no primeiro cuarto e as sonenses non conseguiron facelo no seu xogo salvo en contadas ocasións nas que as precipitacións e a mala colocación frente a canastra, evitaron sumar no electrónico.

Hai que seguir traballando e perseverando para mellorar. 


Escoitar para aprender

Xogaron: Antía, Mariña C., Carla, Sabela, Mariña Calo, Martina, Xiana, Carmen, Noa, Andrea, Rut, Valeria(lesionada)


CADETE MASCULINO
Liga zonal de Compostela
A Nosa Ría CBPS - San Pelayo Mixto 92 - 14

Polo segundo, Bule

Tras o punto de desilusión da previa da Liga Galega, debutaba o Parrillada A Nosa Ría CBPS a liga regular zonal.

O rival era o San Pelayo na súa vertente mixta. Este equipo demostrou o ano pasado en infantil que está capacitado para competir contra calqueira. Pero o noso equipo é un conxunto que fisicamente era superior e que viña con ese plus de competición que aporta empezar a xogar xa en setembro.

Superioridade

Non houbo suspense e o encontro serviu para traballar aspectos individuais e tácticos. Tan só o terceiro cuarto estivo igualado por mor da deixadez dos nosos que empezaron moi apáticos e caóticos en ataque. E o xogo haino que respectar sempre. Unha vez correxida esa falta de atitude, os locais remataron ben o encontro. Domingo, en Trapa ás 19h contra Peleteiro xa será outro asunto.

O solitario

Xogaron: Fran, Martín, Noel, Isma, Isaac, Abel, Pinaya, Andrés e Franco. Por papeleo non poido xogar Denís aínda.

E esta foi a nosa mirada sobre a xornada e así a contamos