mércores, 16 de xaneiro de 2019

A CRÓNICA DA SEMANA DOS ADESTRADORES

UNHA NOVA ERA

Chega a crónica dos adestradores dunha xornada que iniciaba o 2019 con cambio de imaxe nas filas do club sonense. Empeza un novo ano e empeza unha nova etapa, de imaxe polo menos.




PREMINI
Liga Zonal de Santiago

Portofino CBPS - La Salle 65-42
Polo adestrador Beiro

O Restaurante Portofino CBPS comenzou a segunda fase deixando unha gran imaxe en moitas fases do encontro.




Comenzaron durmidos os nosos rapaces froito do madrugón para xogar o partido nunha fría maña de inverno en Santiago, xogando un moi mal primeiro cuarto onde non sabían nin atacar a canastra contraria nin defender a propia. As cousas comenzaron a cambiar no segundo cuarto no aspecto ofensivo pero o equipo seguía tendo un coladeiro na propia canastra.



Foi a partir do terceiro cuarto cando os rapaces de Javi Beiro e de Valeria puxeron en marcha o adestrado o venres cunha fantástica ocupación de espazos e un rápido movemento de balón que os levou a conseguir canastras doadas así como tamén apremaron os dentes en defensa complicándolle moito as cousas ao magnífico equipo de La Salle que apenas conseguía anotar.



Así continuou o encontro no que ademais tódolos rapaces disputaron entre tres e catro cuartos, pudendo estar moito tempo na cancha, debido as baixas de Iker, Mauro, Sophie e James.

Xogaron: José, Óscar, Iago, Dani, Elba, Brais e Lucas.


CB Brión CBPS - Bertamiráns

Sen crónica e sen fotos.


E.B. Negreira CBPS - LaSalle 40- 12
Polo Coach Jose 


Montaña rusa no Restollal, o inicio dos nicrarienses foi moi intenso e gañaron vantaxe para o resto do partido, xa que nos tres períodos seguintes perdemos aínda que por poucos puntos. Iso si, moitos erros nas finalizacións e sobre todo na colocación de cara o aro polas precipitacións.



No quinto período, volvemos a ter momentos de inspiración que puxo a vantaxe definitiva no tanto final. No último, un empate a catro puntos con moitos cambios nos dous equipos para xogar e premiar a xogadores con menos minutos.



O mellor do partido, os pases dende o bote "made in" C. B. P. S.  de xogadores/as que botan ca cabeza levantada vendo ao compañeiros desmarcados para meter canastra.
Tamén a intensidade defensiva e a colocación no campo, deixando sitio para xogar o que ten o balón.

Xogaron: Ana, Miguel, Hugo B, Hugo Q, Paula, Álvaro, Carmen e Nico.


MINI FEMININO
Liga Zonal de Santiago

Tradigas Procesados Portosín CBPS - Galogrín 41-12
Polo Coach David Suárez 




Nova vitoria do Tradigas-procesados Portosín a pesar das baixas que obrigaron a convocar a 3 preminis para cumprir o mínimo necesario, o partido apenas tivo historia e as sonenses dominaron dende o inicio.



Un primeiro período cun tanteo de 8 - 0 e sobre todo o 16 - 0 do terceiro deixaron moi clara a superioridade sobre o Galogrín santiagués que nin refuxiándose na cova conseguiu frear ás nosas xogadoras.




Xogaron e anotaron Lucía, Xiana, Marcela, Ana, Ainhoa, Iría e as preminis Aitana, Paula e Ana


MINI MASCULINO
Liga Zonal de Santiago

E.B. Brión-Lousame-Negreira CBPS - Obradoiro
Polo Coach Mozan

Volta á competición para o equipo mixto do Escolas Negreira, Lousame, Brión CBPS na fría maña do sábado, fronte o Obradoiro. E púidose comprobar como os nosos xogadores e xogadoras seguen no bo camiño, e cada partido son capaces de facer máis cosas e atreverse con todo aquelo que se adestra, cada vez un número de veces máis grande.

Pouco a pouco imos sendo tamén capaces de entender, algo que consideramos moi relevante, que e que cada vez que recibimos una canastra temos una nova oportunidade de sacar moi rápido e correr o campo, en vez de lamentarnos. E así foi, incluso o final do partido cando o rival había obtido xa una gran diferencia.

Defensivamente tamén os xogadores e xogadoras son quen de emparellarse máis rapidamente con seus pares e de contenerles mais tempo.

Toca seguir adestrando para automatizar coma si de actos reflexos se tratase, xestos técnicos y reacciones varias na pista de xogo.

Xogaron: Sofia, Angela, Nico, Nacho, Oscar, Egit, Dani, Pedro, Rodrigo, Marcos, Martin.


We Robots/Larpeiradas CBPS - Peleteiro 43 - 27
Polo Coach Álex

Empezamos o ano madrugando para xogar contra Peleteiro. O We Robots/Larpeiradas CBPS pronto se descolgou do partido. Un parcial no segundo cuarto de 16-2 fixo que todo o partido fora costa arriba.



O equipo sonense non se aplicou en defensa, o que fixo imposible recuperar a desvantaxe.



Moitas cousas que mellorar, pero para iso seguiremos adestrando.

XOGARON: ROI, ALEX, ALEXO, SAMU, ÁLVARO, DANI, LUCAS, CELSO E LOIS. 



PREINFANTIL FEMININO
Liga Galega

KFC CULLE 16 – EXCAVACIONES DARIO BODEGON O PESCADOR CBPS 66 - 16
Polo Coah Luis Forès

Este sábado volvía á competición o EXCAVACIONES DARIO BODEGON O PESCADOR CBPS. Tocaba visitar ao KFC CULLE de Culleredo. O partido marcado para as 16 horas do sábado era a volta á competición dun equipo que acabou con boas sensacións o ano e que necesitaba volver competir canto antes para seguir co refacho de vitorias que leva.




O encontro, poida que pola hora, ou polo frío empezou con demasiados erros por parte das nosas mozas sobre todo erros en canastras doadas, aínda que aos poucos grazas a unha boa defensa fomos escapándosenos do marcador ata unha diferenza de 23 puntos ao descanso (11-34).




Tralo paso polo descanso saímos moito mais enchufadas nas dúas partes da cancha, facendo neste período un parcial de 02 a 24 (incluídos 4 triplos) o que deixaba o coche decidido ante un rival que sempre o tentou. O resultado final foi un calco do partido xogado en Portosín fai 3 meses, 66-16 aquel día.

O partido serviu para dar minutos a xogadoras que veñen de lesións, e para probar algunhas cousas que teremos que valorar ao longo da semana nos adestramentos.





Agora toca seguir adestrando duro para seguir mellorando e poder competir nos seguintes partidos onde nos tocan rivais da parte nobre da clasificación.

Xogaron: Cris, Noa, Sara, Paula Fernandez, Paula Castro, Candea, Iria, María, Marta e Carla. Parabén mozas pola vitoria!! A seguir traballando!!


INFANTIL FEMININO
Liga Zonal de Santiago

Pescados Bormar CBPS - Cluny 59 - 9
Polo Delegado Bule

Para empezar o ano, vitoria doada do Pescados Bormar CBPS que segue invicto na competición.



O partido non tivo moita historia, foi dominado de principio a fin por un conxunto local, o que permitiu unha rotación ampla e maior protagonismo das novatas, que cada día o son menos, e das dúas minis convocadas.

Non foi un partido brillante pero serviu para reafirmar a aposta por un xogo coral, onde as máis curtidas fan partícipes as que necesitan minutos para foguearse. E estas, cada vez intentan máis cousas e vanlle perdendo o medo á pista. Neste aspecto, si que foi positivo o encontro.

Enfronte, pouco que destacar salvo as gañas de bronca dun adestrador que tampouco foi quen de montala con estilo. Unha mágoa.



Xogaron: Xiana, Carla, Noa, Paula, Lara, Raquel, María, Nuria e as minis Xiana e Candela. o equipo contou coa baixa de Noa F.


INFANTIL MASCULINO
Liga Zonal de Santiago

Paco's Moda/Garaxe Xuño CBPS - Obradoiro CAB 20 - 70
Polo delegado Bule

Para renaudar coa competición, ao Paco's Moda/GaraxeXuño CBPS tocáballe bailar co líder indiscutido do grupo, e firme candidato á Liga galega do ano que vén, o Obradoiro CAB.




Nestes partidos que non son da nosa guerra, os dilemas son varios. Sabemos que non podemos competir pero teñen que ser oportunidades para que os xogadores xoguen liberados e intenten cousas.



Nesta ocasión, a potencia do rival foi un factor desquilibrante dentro do equilibrio do equipo. Emocionalmente, os nosos nunca foron capaces de atopar a serenidade que lles tería permitido aproveitar as poucas opcións que nos deixaba o rival.




Porque este Obra ten a marca dos equipos grandes, a súa primeira vitoria foi mental ao imprimir un ritmo rápido diante e moi duro atrás. Os xogadores sonenses non foron nunca capaces de sacudirse dese dominio total que sumerxiu aos que teñen que ser líderes nomáis profundo caos.





Malia todo, tanto Mozan coma Bule agardan que desta experiencia se sacaran conclusións que nos fagan mellorar a todos. Sempre se aprende, especialmente de un mesmo.

Xogaron: Pablo, Henok, Manu C., Manu B., Hugo, Leo, Jaime e o mini Samu.

CADETE FEMININO
Liga Zonal de Santiago

Santa Baia - Rótulos Ageitos CBPS 92 - 36
Polo Coach Jose

Un partido para esquecer, aínda que o equipo estaba moi minguado por lesións e enfermidades a falta de actitude defensiva e en ataque sen xogar a nada, foi moi clamorosa. Parabéns as locais que si estiveron serias e intensas durante todo o partido.

Temos que reprantexarnos certas actitudes e a falta de orgullo e de vergoña polo repaso que nos estaban a dar.

Xogaron: Antía, Mariña, Carla, Sabela, Martina, Xiana, Carmen, Andrea,  Valeria.

CADETE MASCULINO
Liga Zonal de Santiago

Tiendas Pillados/A Nosa Ría CBPS - Enseñanza 91 - 43
Polo Coach Juan Filgueiras

Novo golpe de autoridade do Tiendas Pillados Parrillada/A Nosa Ría CBPS que dá un paso adiante para ser primeiro de grupo ao vencer por 91 a 43 ao Enseñanza.



O equipo mostro un baloncesto con moito ritmo e moita esixencia física.
Valorar a vitoria polo gran rival que tivemos enfronte, un Enseñanza que en ningún momento lle perdeu a cara ao encontro.E unha marabilla ver como xogan os equipos de Paula.




Pero desta vez nós fixemos moitas cousas boas. Traballamos moi ben as segundas axudas, melloramos nas tomas de decisións e na lectura das vantaxes.
Pero o mellor e que os 11 xogadores do equipo están ao mesmo nivel sen notarse quen entra e sae do campo.



Mozan e Juan están moi contentos con traballo do grupo pero queren seguir na liña ascendente que leva o equipo.



Xogaron Isaac , Martin, Denis, Pinaya, Fran, Andres, Abel, Manu, Henok, Noel e Isma



E así foi a mirada dos nosos adestradores sobre a xornada, e así a contaron

domingo, 23 de decembro de 2018

A CRÓNICA DA XORNADA DOS ADESTRADORES

Nova xornada expansiva, con partidos anulados o finde semana pasado e algún aprazado recuperado.
E así foi coma o viron os nosos adestradores.


Premini
Liga Zonal de Compostela
E. B. Negreira CBPS 26 - Ames Mixto Milladoiro 52
Polo coach Jose
A cousa non é como empeza senón como remata.
Así podíamos titular a película do partido dos Preminis da E. B. Negreira CBPS. Todo comenzou moi bonito, xogando fluido, ben colocados na cancha, Carmen anotou a súa ansiada canastra(incluso tódolos rapaces que saíron no cuarteto inicial anotaron) e fallaron moitos tiros que nos darían unha boa vantaxe para o que veu despóis...


Dirixindo

Os do segundo cuarteto, xa non anotaron tanto, pero aínda aguantaron o tipo, e grazas a diferencia do primeiro tempo, nos mantiñamos por arriba e contentos, pero, nos dous tempos seguintes...

Todo volveuse borroso

Malas colocacións para sacar o balón, no ataque, todos xuntos e sobre todo nas defensas, que non sabiamos donde se atopaba o noso xogador, fixeron que os do Milladoiro, non só remontaran o partido, senon que a impresión que nos deixaron é que xogamos moito peor do que é na realidade.


Buscando o camiño

No último tempo, tivemos unha leve melloría, pero ca falta de puntería non poidemos achegarnos máis no marcador.
Seguremos traballando!
Xogaron: Ana, Sophia, H. Barbeira, H. Quintáns, Paula, Álvaro, Carmen, Amaya e Nico.

Minibasket feminino
Liga Zonal de Compostela
Tradigas Procesados Portosín CBPS 34 - Cluny 10

Polo coach axudado David Suárez


Estas cracks merecen que lles fagan moitas máis fotos!

Na mañan deste sábado por fin podía xogar o Tradigas-procesados Portosin CBPS  na casa recibindo o Cluny santiagués.

Dende o inicio, as sonenses dominaron o partido dende unha defensa a toda pista que apenas concedía tiros as visitantes deixándoas en tan só 4 puntos o descanso. 


Co partido moi de cara nos últimos 3 períodos o entrenador limitou o ataque das locais obligándoas a atacar cun bote como máximo para mellorar o xogo de pases.

O 34 - 10 final permite ás sonenses pasar as navidades como primeiras cun balance de 5 victorias e 0 derrotas. 

Xogaron Lucía Xiana Lia Julia Iría Marcela Candela e as preminis Aitana e Sofia
Minibasket Masculino
Liga Zonal de Compostela
E.B. Briòn- Lousame- Negreira CBPS 5 - Milladoiro 54


Novo partido dos rapaces das escolas e Brión, Lousame, Negreira e Son, fronte a un rival máis experimentado.

Perseguindo amenses

Miradas
A seguir correndo


We Robots Larpeiradas CBPS 52 - Obradoiro 35
Polo coach Álex

Primeiro partido da tempada na casa, algo que nos sentou moi ben: menos madrugón, máis público, etc., todo sumou para acabar con victoria ante o Obradoiro.




Foi un partido no que fixemos moitas cousas ben: boas defensas con recuperacións de balón en campo contrario, bos contraataques e sobre todo unha gran melloría a hora de xogar en estático. Seguiremos traballando en cada entreno para intentar dar o máximo en cada partido.


Xogaron: DANIEL, SAMUEL, ROI, LUCAS, ÁLVARO, LUCAS, CELSO, ALEX E ALEXO.

Preinfantil feminino
Liga galega
Excavacións Darío-Bodegón O Pescador CBPS 63 - Basquet Coruña 42
Polo coach Luis Forès

Este sábado 22 de decembro volvía á competición o ESCAVACIÓNS DARIO BODEGON O PESCADOR CBPS fronte ao BASKET CORUÑA LEYMA, partido que foi aprazado hai un mes.

Todo empeza no aire

Despois de dúas semanas sen competición, e con moitas nenas tocadas non sabiamos como ía desenvolverse o partido. E dicimos moitas xogadoras tocadas porque realmente o panorama era preocupante (Noa dor xeonllo, Cris debutaba despois de tres mes por problemas no xeonllo, e xogou con dor, Paula Castro dor costas, Candela problemas nunha muñeca e pé, Carla levaba 3 días con febre, Marta levaba un mes parada por problemas nun nocello). Pero este equipo se algo é, é un equipo moi sacrificado.

Miradas de mulleres

O partido empezou con nervios no cadro local, pero aos poucos a través dunha boa defensa fóronse disipando arrincando as primeiras diferenzas no marcador de Portosin. Co paso dos minutos, o partido ía polo camiño desexado, aos poucos aumentando diferenzas ata chegar ao 34 a 17 do descanso.

Pechando portas
No 3º período as sonenses seguiron marcando o ritmo, forte defensa, e rápidos ataques (3 triplas neste periodo) pero os problemas físicos empezaban a notarse, e non nos abandonaron ata o final do partido onde o decoro, sacrificio e traballo en defensa fixo que mantiveramos as diferenzas só recortadas ao final cun parcial de 0 a 7 cortado cun 2+1 final que deixou a diferenza en 21 puntos ao noso favor.

Todo segue no ar

Agora toca recargar pilas estas semanas de nadal e recuperar xogadoras para empezar o ano a tope de enerxías e seguir sumando pasos na mellora do equipo.

Xogaron Carla, Candela, Paula Castro, Marta, Cris, Noa, Lucía, Iria, Sara e María. 


Toca felicitar o nadal a todas as xogadoras, pais, e a toda a familia do CBPS. Gozar destas datas en familia, e o 2019 que sexa un gran ano para todos, tanto no persoal, coma no deportivo. 

Infantil feminino
2da División Liga Zonal de Compostela
CB Noia 41 - Pescados Bormar CBPS 64
Polo infiltrado Bule

Novo derbi feminino en Noia, desta volta en categoría infantil. Á diferenza do anterior, este presumíase máis competido entre dous equipos que están instalados na parte noble da táboa de clasificación.

Todo por xogar

De inicio, o conxunto de Pescados Bormar CBPS saiu moi activo na pista, conseguindo moitos roubos e canastras doadas. Esta actividade a ambos lados da cancha dáballe unha primeira vantaxe xa significativa de 11 puntos ao remate do primeiro cuarto.

Libre

Nembargantes, no segundo cuarto, as visitantes caeron na relaxación e o individualismo para ve como o conxunto local, que consta de grandes individualidades, remontaba en xogo e anotación. Ao descanso, 23-26 e todo por xogar.

A tensión dun derbi.

Xa na segunda parte, as visitantes volveron a apretar e, desta volta, non deixaron que as locais retomaran aire, xogando 20 minutos de gran intensidade, compañerismo e competitividade. Coma se teñen que xogar os derbis.

Xogaron: Xiana, Carla, Paula, María, Raquel, Clara, Noa F., Noa I., Candela e Lucía. Nuria estivo de baixa neste encontro.

Só nos queda desexarlles felices festas ás nosas guerreiras e ás súas familias; o mellor aínda queda por vir.

Infantil masculino
2da División Liga Zonal de Compostela
LaSalle 69 - Pacos Moda/Garaxe Xuño CBPS 62

Polo coach Mozan


Afrontaba o PACOS Moda/GARAXE XUÑO CBPS un encontrou na matinal do sábado fronte a un rival de categoría con só 7 efectivos, o que implicaba que tivera que dar cada xogador a mellor das súa versión para poder levar a cabo todo aquelo que adestramos. Conseguímolo facer na saída e así fomos quen de sorprender o rival con boas contras e anotar canastras doadas. Cando non era así, en o xogo de 5X5 éramos tamén quen de atopar boas soluciones . Sen embargo empezamos a deixar de ter esa atención no xogo , sobre todo en defensa, e o rival comezou a darlle a volta tanto o marcador como o xogo propiamente dito.


Escoitando o mestre
A volta dos vestiarios recuperamos a nosa mellor versión e fixemos con bastante frecuencia o xogo que queremos desenvolver e se viuse un bonito e disputado partido por ambos equipos. Salientar o acerto do noso rival no seu tiro de media e larga distancia, que en ocasións chegou a desesperarnos.
En resumo moi bo partido dos nosos xogadores que deben entender que o que depende de nos exclusivamente, a  atención, a intensidade , a comunicación…non deben ser nunca motivos para darlles alas os rivais.


Queda un mundo por facer
So queda desexarvos un bo Nadal e feliz ano novo os nosos seareiros e en especial, as familias dos nosos xogadores que so nos sabemos o que nos facilitan o noso traballo.
Xogaron: Jaime, Pablo, Manuel, Hugo, Manu, Henok e Leo.

3ª división Liga Zonal de Compostela
CB Briòn CBPS 33 - Milladoiro 78
Polo coach Mozan

Os Lobos De Brión CBPS afrontaban un encontro fronte a un rival moi superior en centímetros e que grazas a elo eran quen de anotar canastras doadas tras rebotes de ataque, ou pases imposibles de interceptar para os nosos xogaxores.

O traballo defensivo do noso equipo non acaba ainda de ser eficaz a hora de axudarnos os unos a os otros, e interiorizando o concepto de "noso"en vez de "meu".
E na outra faceta do xogo, a do ataque, onde cada xornada o equipo faino millor, e empeza a ser habitual xa ver magníficas accións de xogo sen balón máis a pertinente asistencia, ou ataques de un bo número de pases feitos con muito sentido, altruismo e xenerosidade.
Agora toca descansar ata a volta do Nadal, no sen antes desexar unas felices festas aos nosos xogadores, e ás súas respectivas familias, que nesta primeira etapa da historia non fan outra cousa que non sexa colaborar connosco de xeito totalmente desinteresado e de darnos ánimos e forzas pra continuar con esta bonita aventura.
Bo Nadal e feliz aninovo. 

Xogaron : Álvaro, Abel, Carlos, Mateo, Miguel, Pablo e Jaime. 

Cadete masculino
2da División Liga Zonal de Compostela
Tiendas Pillados A Nosa Ría CBPS 86 - Pobra do Caramiñal 31
Polo coach Filgueiras

Encontro da xornada aprazada pola fegaba.
Encontramomos cun equipo que en tempos antaños nos poñía oposiciòn no xogo, un equipo moito mellor ca nòs físicamente e ca incertidume de como sería a realidade do encontro.


Na cova

De inicio saimos con tensiòn pero con malas decisiòns defensivas pero nos serviron para sacar vantaxe no marcador.
Atopamos a un conxunto que xogaba ao fallo, agochado nunha zona 2-3 a altura do tiro libre e totalmemte estática (filosofías e decisiòns de clubs de formaciòn) que semellan estar de moda.
Tirabamos sen mínima oposiciòn e anotábamos de 3 puntos y gañábamos nos cortes para anotar debaixo de canastra.
Chegábase ao descanso con mal xogo pero cunha ventaxa enorme.
O equipo rival solo anotaba por desmérito noso e pola nosa defensa a toda pista que facilita canastras.
No terceiro cuarto xogamos sen presiòn ningunha e periodo igualado. A falta de 4 minutos tras un tempo morto onde os adestradores piden compromiso e esforzo parcial brutal para gañar con moitísima claridade.


Outra velocidade

A lectura positiva que deben sacar os xogadores é que deben xogar todo o encontro ao nivel de contactos e físico co que adestran e a mellora e progresiòn esta patente en relaciòn a un rival que hai tres anos nos competía.
A seguir traballando equipo.


Xogaron: Fran , Isma, Noel, Pinaya, Andrés, Abel, Manu, Henok, Isaac, Martín e o debut da último fichaxe ribeirense Denís.

Santa Baia 35 Tiendas Pillados A Nosa Ría CBPS 125

Posiblemente o mellor encontro do ano ante un rival superdigno que intentou en todo momento realizar o seu xogo e poñer na medida das súas posibilidades poñer a máxima oposiciòn.


Tomando decisións

Desta vez, os nosos rapaces xogaron os 40 minutos concentrados e coa máxima intensidade, non como a semana pasada ante Pobra onde só xogaron 20 min.
A gran diferenza tamén está no rival que, da man dun gran adestrador coma Santi, propón cousas na pista baloncesto e non se adica a colocar barreiras defensivas nos tiros libres. 


Mirada furtiva

Fin dos encontros deste ano, agora toca cargar pilas estes días e seguir adestrando coa máxima exigencia, intensidade e gañas para ser mellores no indvidual e coma equipo.


Xogaron: Fran, Isaac, Andrés, Martín , Isma, Pinaya, Denis, Abel, Noel e Henok.

Así foi a xornada, e así a contamos! Felices festas a todos!

luns, 10 de decembro de 2018

A Crónica da xornada expansiva dos adestradores

Remata a ponte e é hora de botar a mirada cara atrás e ver o que ocorreu na xornada do finde pasado, os partidos de mércores, xoves, este domingo...
Moito baloncesto e moito que contar.


Babybasket
Debutaron os nosos babys nun torneo organizado en Boio polo club cb Santa Baia, coa participación do CB Outes e CB Rianxo.

Ao lío

Os resultados foron variados e diversos, para quen os contara.

Todo é novo

O importante foi vestir unha camiseta e saltar á pista a pór en práctica, por fin, o que levan aprendido neste curso. 

Perseguindo soños

Boiro, Rianxo, Outes, Son, o futuro é deles.

Grazas a Jerry por dirixilos neste evento.

Premini
Liga Zonal de Santiago de Compostela
E.B Concello de Negreira CBPS 26 - San Pelayo 42
Polo coach Jose

Cedo, no sábado de mañán, os nicrarienses da E.B Concello de Negreira CBPS cruzamos o Tambre para enfrontarnos aos Pelayos, moi mermados nas nosas filas, con tres baixas moi importantes como as de Quintáns, Álvaro e Paula, que maila estar enferma e pasar moi mala noite, ela quixo estar no banquiño animando os seus compañeir@s. Eso é compromiso, bravo Paula.

Sede de baloncesto
Polo lado do baloncesto, saímos durmidos e sin opoñer ningunha resistencia na defensa da nosa canastra.
Seguimos sen tomar boas decisións nas finalización tirando de moi lonxe e sin colocarnos correctamente.

Comunicando

Si que houbo melloría na colocación na cancha e boas galopadas en contraataque, tamén varios pases de entre tres compañeiros; unha asistencia de Amaya para canastra de Ana que fixo poñer en pé a bancada.
Tamén foi a estrea de Sophia cunha canastra no terceiro cuarto que celebrou con rabia.

Curando golpes

Pese a diferenza no marcador, hai que salientar que levamos o terceiro e o sexto tempos e empatamos no quinto. No seguinte partido con tódolos efectivos o 100%... Seguro, seguro que o pasamos xenial!

Xogaron: Ana, Sophia, Miguel, Hugo B, Carmen, Amaya e Nico.

Brión CBPS 22 - Mixto Fontiñas 52
O coach non a mandou esta semana 
Houbo loita

Suspensións

Tiros

Competividade

E palabras orais


Restaurante Portofino CBPS 57 - la Salle 16
Polo coach Javi Beiro

Gran sabor de boca o deixado polos preminis sonenses do Restaurante Portofino CBPS no seu partido deste sábado disputado no pavillón de Compañía de María. A pesares da baixa de Dani Fernández, os 8 xogadores presentes no partido mostraron grandes avances no seu xogo especialmente a partires do terceiro cuarto.

Espectáculo

Todos os xogadores disputaron o mesmo número de minutos, tendo tempo todos para ensinar todo o que se aprende nos adestramentos. O terceiro cuarto cun cuarteto formado por Oscar, Brais, José e Elba foi un exemplo de todo o que ten que facer un equipo, defensa intensa, ataques rápidos cando se conseguía recuperar axiña o balón e compartíndoo cando a defensa estaba formada; todo isto fixo que todolos que estiveron neste cuarto na cancha conseguisen anotar ou tamén asistir a outro compañeiro para que anotase.

Incertidume

A demostración do terceiro cuarto sirveu de acicate aos outros catro xogadores que participaban nos cuartos pares para apretar na defensa e tratar de hilvanar xogadas como os seus compañeiros, conseguindoo por momentos.
O partido debe servir como aprendizaxe para esforzarse dende o primeiro cuarto ata o final do partido e non empezar a facelo dende o terceiro.

Unidos na inmensidade

Xogaron: Oscar, Brais, José, Elba (que anotou a súa primeira canasta), Lucas, Iago, Iker e Mauro.
Foron baixa Dani Fernández e os irmáns Hall, que por fin poderán debutar no partido do 14 de decembro

Mini Feminino
Liga Zonal de Santiago de Compostela
Ames 29 - Tradigas-procesados Portosin CBPS 45
Polo coach David Suárez

Exercitando
Nova vitoria do Tradigas-procesados Portosin CBPS, está vez diante do basket Ames nun partido moi parecido o da semana pasada, boa defensa a toda pista moitos roubos no bote e escaso acertó cara o aro, os dous primeiros cuartos a superioridade no xogo non se reflexaba no marcador e a diferencia era de 4 escasos puntos. 

Canastas everywhere
Os dous seguintes períodos foron de dominio total nos que conquerimos parciais de 0-12 e 3-8 deixando o partido encarrilado. 

Escapando

Xogaron Lucía, Xiana, Lía, Aitana, Ainhoa, Julia, Iría, Sofia, Marcela e Candela

Mini Masculino
Liga zonal de Santiago de Compostela
CBPS We Robots-Larpeiradas 53 Ames 38
Polo Coach Álex

Competindo por partida dobre

Chegamos ao Milladoiro ca intención de racionalizar forzas, xa que tiñamos dous encontros nesta mañá. Sin embargo, foinos imposible xa que non conseguimos irnos no marcador ata o último período. O partido tuvo moito ritmo, tanto na defensa cómo no ataque.

Jump shoot

Empezamos o derradeiro cuarto con unha ventaxa de só 4 puntos, polo que subimos a intensidade en defensa e, así, conseguimos marcar canastas fáciles de contraataque. Bo partido dos nosos rapaces. 

Xogaron: ALEXO, SAMU, ALEX, ÁLVARO, LOIS, ROI, LUCAS, CELSO E DANI.

CBPS We Robots-Larpeiradas 33 - Milladoiro mixto 28
Polo Coach Álex

Non escapes que hai outro!

Segundo partido na mañá, cousa que se notou moito non só nos nosos xogadores, tamén no árbitro.

Concentración

O partido foi moi brusco, con moitas faltas (non pitadas) e un xogo moi trabado. Eu, coma adestrador, prefiro un árbitro que enseñe que un arbitro que permita. Pois que mellor forma de enseñar que pitando cada falta cometida.

One-on-one

Pouco se pudo sacar en limpo deste partido. Sacamos adiante o partido e saimos todos dunha peza. Felicidades ao Milladoiro por facer un gran partido. En dúas semanas voltamos as canchas.

Layup

Xogaron: ALEXO, SAMU, ALEX, ÁLVARO, LOIS, ROI, LUCAS, CELSO E DANI.

Escolas Brión/Negreira/Lousame CBPS 12 - Galogrín 62
Polo coach Mozan


Buscando o punto

O terceiro encontró do equipo  Escolas Brión/Negreira/Lousame CBPS nos deparou accións moi puntuais de xogo francamente moi boas. Pudimos asi disfrutar dalgúns pases excelentes entres os nosos xogadores e xogadoras, que en un par de ocasións remataron ca tan ansiada canasta. Pases entre autenticos bosques de manos e pernas gracias a creatividade e fantasia de quen tiña o balón.

Cada vez todo o mundo se atreve con máis convicción a botar o balón o chan e e encarar e retar o seu defensor, a veces con bo resultado e outras nas que pagamos caro a osadía. Pero vimos a xogar, sen risco non hai gloria.

O que si está garantizado e que de cada partido facemos una pequeña festa, antes durante e o remate do mismo disfrutándolo en cada intre o máximo . Que siga a festa entón

Xogaron: Sofía, Ángela, Martín, Óscar, Alejandro, Pedro, Nico, Egit, Nacho, Marcos e Dani.


Preinfantiles feminino
Liga galega
Mariscos Cordal Cambados 11 - Excavacións Darío/Bodegón O Pescador CBPS 61
Polo coach Luis Forès
Despois dunha semana sen competición e tres derrotas seguidas as mozas do ESCAVACIÓNS DARIO BODEGON O PESCADOR CBPS desprazábanse ata Cambados para xogar contra o MARISCOS CORDAL CAMBADOS coa intención de volver á senda do triunfo.
Respecto ao partido anterior o equipo recuperaba efectivos e aínda que viaxaba con varias xogadoras tocadas, as nenas dérono todo e máis na pista.

O gran salto


O encontro empezou con moito ritmo por parte das nosas xogadoras nas dúas partes da pista o que provocou que se escapasen no marcador xa no 1º cuarto cun parcial de 0 a 21 que deixaba ás claras as gañas coas que chegaban as sonenses: gañas de volver atoparse coa vitoria e demostrar todo o traballo que veñen facendo desde hai meses a pesare das lesións.

A pizarra

O equipo seguiu traballando moi duro en defensa e unhas veces rápidos ataques, outras con paciencia foi aumentando a diferenza ata o resultado final de 11 a 61 que mostra a superioridade visitante ante un conxunto local que o tentou sempre, pero non puido coas nosas mozas.

Aínda que parece un resultado cómodo, o equipo tivo que traballar moito, sobrepoñerse a golpes, a xogadoras tocadas, e iso grazas ao grupo comprometido que temos e demostrando que con sacrificio, concentración e moito traballo podemos competir contra todos os equipos.

Miradas

Xogaron: NOA, CARLA, CANDELA, P. CASTRO, P. FERNANDEZ, IRIA, LUCÍA, MARÍA E SARA.

Agora toca descansar, recuperar forzas e lesionadas para afrontar os dous partidos que nos quedan neste 2018 nas mellores condicións, pero iso si, adestrando duro para ser mellores hoxe que onte!
PARABÉN MOZAS! A SEGUIR TRABALLANDO!

Mención a parte destacar o grupo de pais que sempre se despraza co equipo para animar, aínda que ás veces dicir grupo queda curto porque son máis cun grupo, son unha peza importante do equipo, xa que sen eles sería imposible ter este equipo. Así que moitas grazas e a seguir animando ao equipo.

Infantil Feminino
Liga Zonal de santiago de Compostela
Pescados Bormar CBPS 70 - Rosalía 20
Polo Coach Mozan

O Pescados Bomar CBPS  acadou una nova victoria facendo un xogo moi sinxelo a la par que practico, basado en rápidas contras froito de boas acciones defensivas . A verdade é que as nosas xogadoras son moi xenerosas no seu esforzo no campo, sexa cal sexa o resultado do encontro, e moi solidarias á hora de axudarse entre elas, e sobre todo á hora de facelo con aquelas que aínda están dando os seus primeiros pasos neste mundiño.


A escapada

E precisamente estas derradeiras cada día que pasa ubícanse millor no campo, sobre todo defensivamente, e pouco a pouco van atrevéndose a facer máis cousas. A verdade é que é todo un pracer ver as súas caras de satisfaccción cando fan alguna acción positiva.

Enfronte un rival, o Rosalía, que en todo momento pelexou cada balón e cada acción de xogo cunha atitude extraordinaria e digna do millor dos eloxios.

Buscando espazo

Ata a próxima cita, que será este mércores coa disputa do encontro aprazado no seu dia contra o Cia De Maria.

Xa esta tardando en chegar o momento de disfrutar cun equipo no que dende a primeira ata última das súas componentes desborda traballo ilusión e compañerismo entre elas.
Non cambiades nunca, raparigas!

Traballo ben feito

Xogaron : Carla, Paula, Noa, Noa Filgueira, Raquel, Maria, Nuria, Lara e Xiana.
PD: Iso si, a ver se aprendedes a pechar as botellas de auga dándolle una voltiña o tapón .

Pescados Bormar CBPS 58 - Cía de María 38
Polo coach Mozan

Xogouse na tarde do mércores o partido aprazado entre o PESCADOS BOMAR CBPS e o Cia De Maria, os dous equipos invictos hasta a data.

Arrancada

As nosas rapazas coma sempre saíron á pista cunha gran intensidade tanto en ataque coma en defensa e foron quen de adquirir una boa renta no marcador.

Enfronte, un rival que non dá tregua e que te esixe estar en todo intre moi atento e activo, porque castiga cada acción na que non amoses esa actividade.

E así desenvolveuse o encontro que rematou cos dous equipos extenuados froito do gran traballo feito por todalas xogadoras.

Liderato

Iso si, no noso debe, os erros nos tiros libres que serán fundamentais en encontros máis igualados no marcador.

Celebrando

Xogaron: Iria, Maria, Raquel, Lara, Nuria, Xiana, Carla, Paula e Noa.
Non cambiades nunca, raparigas.

Infantil Masculino
Liga zonal de Compostela
Peleteiro B 49 - Paco's Moda/Garaxe Xuño CBPS 67
Polo coach substituto Juan Filgueiras

O substituto
Partido aprazado xogado este mércores polos rapaces do Paco's Moda/Garaxe Xuño CBPS na pista de Monteouto, sen os seus dous adestradores que non podían asistir ao encontro. 

Pechando camiños

Bo partido dos nosos rapaces cunha defensa a toda pista e imprimindo un ritmo moi rápido de defensa a ataque ao xogo dando lugar a canastras de superioridade.

Compañerismo

Destacar o compromiso dos 8 xogadores aportando todos en distintas facetas do xogo.
Traballo, compromiso e solidaridade no grupo.

Unión

Xogaron Henok, Manu, Leo, Manu Balvis, Hugo, Jaime, Samu e Pablo

CB Barbanza 77 - Brión CBPS 27
Polo observador internacional Bule

Lobos preparados

Para rematar a ponte xogouse no pavillón de Palmeira un partido con gran carga simbólica entre equipos de dous proxectos novos. Sempre é de celebrar a aparición de clubs que se adiquen ao noso deporte. Por iso, máis alá do marcador, estes encontros xa son unha vitoria en si.

Expectación

Na pista, ao igual que na vida real, o factor determinante foi a gasolina. Mentres o depósito estaba surtido, os Lobos de Brión xogaron grandes minutos e compensaban o seu déficit físico e de rotación con colocación, osadía e xogadas de calidade. Chegouse ao descanso cun 38-23 que recompensaba o esforzo dos visitantes.

Escapada

No descanso houbo alfonsitada no vestuario local e os laranxa saíron coméndose a pista. Entre que xa as forzas fraqueaban e que o acerto deixou de acompañar, os barbanzanos foron ampliando o marcador hasta deixalo pechado a mediados do cuarto periodo. Aínda así, os minutos finais deixaron grandes xogadas, especialmente algunha saída da pizarra de Mozan, como para lembrarlle ao banquillo visitante que as pupilas aínda teñen cousas que aprender do mestre.

New Kids in the Court

Xogaron: Jaime, Abel, Álvaro, Unai, Miguel, Pablo e Jaime.


Cadete Feminino
Liga Zonal de Santiago de Compostela
CB Noia 50 - Rótulos Ageitos CBPS 97
Polo Coach Jose 

Derby no Alonso Rodríguez a hora da siesta. Como suele suceder nestes encontros, os dous equipos moi motivados e os nervios a flor de piel.

O pase

Na primeira metade, o Rótulos Ageitos CBPS saiu durmido na defensa, facendo que as noiesas se viñeran arriba e conseguiran moitos puntos desbordando por velocidade.

O noso ataque, aínda que moi precipitado permitiunos chegar por diante o descanso, pero coa sensación de que non dominábamos de acordo a superioridade das nosas xogadoras.

Contrataque

Tralo descanso, organizamos a defensa e con máis presión e implicación nas axudas das compañeiras rompemos o encontro convinando rápidos contraataques e xogadas en estático nas que movíamos ben a defensa conseguindo abrir hocos na zona noiesa.

Entraría?

No derradeiro cuarto, máis relaxadas, as do Rótulos Ageitos CBPS baixaron a intensidade e sumando as faltas cometidas volvemos a ter unha baixa anotación.
Temos que ser máis constantes e non xogar por rachas, implicarnos dende o primeiro momento na defensa xa que contra equipos máis físicos estes erros son irrecuperables.

Xogaron: Carla O., Antia, Mariña, Sabela, Martina,  Xiana, Noa, Carmen, Andrea, Valeria.
Carla M. lesionada dende o partido anterior, esperando resultados e que non sexa nada grave para contar con ela canto antes.

Rencontros

Tamén foi un día de reencontros ca nosa compañeira Cayetana que o final da temporada pasada decidiu cambiar de equipo.

Así foi esta xornada expansiva, e así a contamos