A CRÓNICA DA XORNADA DOS ADESTRADORES

LUSCO FUSCO

Xornada de claros-escuros a nivel contable. A nivel de club, nova xornada con 11 equipo implicados, 12 partidos (cun atrasado) e case 100 rapaces xogando coas nosas distintes cores. Nese aspecto, o que importa, seguimos a plena luz do día.

BABY BASKET

Os babies ddo EB Brión CBPS estiveron presentes no torneo fegaba organizado en Noia da mán do coach Chechu Yáñez. 

Unha vez máis, os peques desfrutaron do xogo este de canastras que tanto nos gusta. 

Agardemos que haxa moitas máis concentracións destas!

PREMINI
Liga Zonal federada de Compostela

R. Portofino CBPS - Lalín 13 - 63

Polo Coach Beiro

Como na primeira fase, partido moi difícil para os xogadores do Restaurante Portofino CBPS ante un rival cunha rotación larga e moi intensa. 

Por riba, os sonenses volveron a pecar de sair dormidos a pista a pesar de non ter que madrugar desta vez, non sendo capaces en moitas ocasións de non chegar a campo de ataque por erros propios. 

No terceiro cuarto conseguimos parar mellor ao rival e conseguimos anotar ou chegar a ter opcións faciles de anotar. 

Co marcador xa pechado no quinto cuarto, os sonenses aínda que foron defendendo cada vez mais, en ataque decidiron facer a guerra pola súa conta abusando de tiros lonxanos sen ton nin son.

Xogaron: José, Iker, Mauro, Elba, Lucas, Dani, Iago e Oscar. Foi baixa Brais.

CB Brión CBPS - EB Negreira CBPS 33-65

Polo Coach Jose (non temos a visión do coach de Brión sobre o encontro)

Derbi CBPS, con dous equipos das Escolas no que se pode apreciar o traballo realizado.
Hoxe o equipo nicrariense sae con moitas ganas e forza, xogando todos a unha. Daba igual o cuarteto que estivera na cancha, todos defendían e todos atacaban con espacios e vendo o que pasaba na pista.

E o que pasaba na pista eran boas defensas e sobre todo boas axudas, os compañeiros que defendían debaixo da canastra, si o xogador/a con balón viña, parábano poñéndose diante(cousa que ata hoxe non facían); boas colocacións no campo de ataque, lonxe do aro facendo sitio para xogar 1c1; bos pases  os compañeiros que estaban preto da canastra con posibilidades de anotar e bos rebotes. Non se pode pedir máis.

Vimos un paso adiante de dous xogadores coma Hugo Barbeira e Carmen, que fixeron un gran partido que lles debe de servir para coller confianza e atreverse a facer moitas máis cousas das que pensan que son capaces. Igual que Nico que foi quen de coller rebotes e correr cara a canastra contraria sen que lle queime o balón nas mans(mágoa do premio dunha canastra). Os novos, Sophi, Amaya e Álvaro, que tamén se lles notan os partidos que van xogando na melloría no bote.

Tamén Paula, Miguel e Quintáns, que o fixeron de 10 sendo determinantes de cara o aro.
Un gusto, xunto a melloría das nenas e nenos de Brión, hai que dicir que o CBPS ten canteira!

Xogaron: Sophi, Miguel, Barbeira, Quintáns, Paula, Álvaro, Carmen, Amaya e Nico

MINI FEMININO
Liga Zonal federada de Compostela

Tradigas-procesados Portosín CBPS - Peleteiro 32 - 23

Polo Coach David Suárez

O Tradigas-procesados Portosín CBPS sae vitorioso dun caos de partido con continuos erros e perdas polos dous equipos.

Quizais os nervios de saber que era un partido importante para a loita polo título e que moitas nenas dos dous equipos coincidiran na selección Santiaguesa o verán pasado fixo que non amosaran o seu mellor baloncesto. 

As sonenses foron conseguindo vencer os primeiros períodos máis por loita que por baloncesto e no 4 período tiñan unha clara vantaxe de 28 - 12. 

Pero a lesión de Marcela nunha man fixo coincidir no quinto período un equipo con moi pouca experiencia e as Santiaguesas acercáronse no marcador deixando emoción para o último tempo onde outra vez a maior experiencia fíxonos sumar a oitava vitoria consecutiva. 

Xogaron: Lucía, Xiana, Aitana, Ana, Julia, Iría, Marcela, Lía e Candela.

MINI MASCULINO
Liga Zonal federada de Compostela

Escolas Lousame/Brión/Negreira CBPS - Enseñanza 32 - 65

Polo Coach Mozan

O equipo de Escolas de baloncesto Brión, Lousame, Negreira CB PORTO DO SON disputou un partido onde a actuación coral de tod@s os seus compoñentes foi o mais salientable. 

Excelentes pases o xogador que esta solo se traducían en tiros doados e en entradas sin rival por diante.

Ademais gracias a estes pases puideron acadar a primeira canastra da súa breve historia deportiva tres xogadores que aínda non o habían conseguido. E crédeme que non hai maior ledicia que ver como a celebran. Os seus sorrisos nos seus ollos o din todo.

A seguir traballando, si a isto se lle pode chamar traballo, xa que é un pracer velos alegres sempre e cos ollos coma pratos escoitando todo canto se di. 

Xogaron: Nico, Nacho, Egit, Sofía, Rodrigo, Dani, Martín, Marcos, Ángela, Sofía, Adrian e Óscar. 

PREINFANTIL FEMININO

Liga Galega

BBCA - Excavacións Darío/Bodegón O Pescador CBPS 63 - 43

Polo coach Luis Forès

Na tarde do domingo o ESCAVACIÓNS DARIO / BODEGON O PESCADOR CBPS visitaba a casa do BBCA ERMIDA DE CHAMORRO, lider invicto do grupo con ganas de seguir a melloría no xogo das últimas semanas.

Expúñase un duelo moi complicado e físico posto que as ferrolás teñen un altísimo ritmo de xogo con moitas rotacións sen notalo no xogo. As nosas mozas presentábanse coa baixa de Cris por indisposición, pero no quecemento a Carla aparecéronlle dores no xeonllo e causou baixa no partido, unha baixa moi importante. Con este panorama o doado sería desmoralizarse, pero non, este grupo demostra cada día que se pode contar con elas, pero o mais importante, que elas cren en se mesmas.

O partido empezou como se temía ao principio, con moito ritmo local que pronto colleu diferenzas no marcador. Tras un tempo morto, as nosas mozas puxéronse as pilas en defensa, e aos poucos fómonos achegando no marcador, gracias a anotación de Noa, Sara e a dirección de Castro, e mesmo fomos capaces de poñernos por diante. Ao final do 1º período chegouse cun empate a 15. 

O ritmo local non parou e as nosas nenas con moitas rotacións polo desgaste físico e as faltas notábano. Aos poucos as ferrolás íanse do marcador ata unha diferenza de 12 puntos no descanso (34-22).

Tras o paso polos vestiarios nada cambiou, as locais seguiron co seu ritmo alto de xogo ampliando o marcador grazas en moitos casos a balóns perdidos e a rápidos contraataques, chegando ao final do 3º período cun 54-31 e un período por xogarse. 

Neste último período sacamos o que nos quedaba dentro, e controlando as perdidas de balón e o rebote fomos capaces de gañalo por 9 a 12, deixando o marcador final nun 63-43.

Durante moitos minutos fíxose un gran xogo, e defendeuse moi ben, pero o mellor é o crecemento dalgunhas xogadoras que nos momentos malos dan un paso adiante levando o equipo sobre as súas costas. O negativo do partido de onte, ademais das lesións, son os tiros libres. Onte tiramos moitos e fallamos unha cantidade obscena que nos permitiría estar moi moi preto no marcador. 

Toca seguir adestrando para mellorar e pensar xa no seguinte partido contra Estudantes de Lugo este próximo sábado.

Polo ESCAVACIÓNS DARIO BODEGON O PESCADOR CBPS desprazáronse e xogaron: Carla, Candea, Sara, Noa, Paula Castro, Paula Fdez. , Lucía, Iria, María e Marta.

PARABÉN MOZAS!!!

INFANTIL MASCULINO
Liga Zonal federada de Compostela
2da División

Paco's Moda/Garaxe Xuño CBPS - CB Noia 46 - 53

Polo delegado Bule

Presentábase en Trapa un CB Noia que anda parello co Paco's Moda/Garaxe Xuño CBPS na táboa clasificatoria. Os dous equipos presentan un esquema estrutural semellante: un xogador superlativo, algúns moi bos e outros en continua fase de aprendizaxe.

Con este panorama, o equipo que mellor ía xestionar os seu equilibrio de forzas ía levarse a chica.

No primeiro período, os locais ofreceron apatía e indolencia, incapaces de saber xestionar o seu propio estado de ánimo. Nunca se sabe onde empeza o mérito do rival, cunha defensa moi pechada na zona, e o demérito propio, froito da apatía e indolencia dos chamados a tirar do carro. 

Na segunda parte houbo un claro troco de atitude que fixo que o marcador se apretase e o encontro entrase nunha fase de tensión de xogo digna destes partidos. Aínda así, o equipo de Mozan e Bule non conseguiu culminar a remontada e os locais acabaron por sucumbir por 7 puntos.

Máis alá do marcador, cabe resaltar a deportividade nos bancos, pista e bancada. Nese aspecto, foi un derbi con vitoria de todos.

Xogaron: Henok, Leo, Manu C., Manu B., Samu, Pablo, Jaime e Hugo, tocado este último.

3eira División
ED Brión CBPS - Santa Baia 16 - 67

Polo Coach Mozan

O equipo Lobos de Brión CBPS afrontaba o encontro diante do líder da categoría, reforzado en este caso por tres xogadores do noso equipo de Mini Basket. 

Un bo comenzo deu paso a o que a lóxica ditaba, que e que a superioridade física do rival en centímetros e velocidade marcase diferencias notables no marcador.

Por intres estivemos demasiado estáticos no xogo, deixándonos afectar por a superioridade no marcador do contrario e sin reaccionar todo o rápido que sabemos facer a as novas acciones do xogo.

E destacable o ben que dende a rolda de quentamento conxeniaron os novos xogadores co  resto do equipo. Será porque todos levan no sangue unha ensinanza en valores de xogo similar? Seguro que si.

Xa está tardando a seguinte xornada para continuar facendo minutos de experiencias e vivencias no xogo.

E como non desexar que o noso Miguel se recupere rapidamente da súa gripe, que botámolo de menos.

Xogaron ; Samu, Dani, Lucas, Pablo, Alvaro, Abel, Jaime, Mateo, Carlos e Unai.

CADETE FEMININO
Liga Zonal federada de Compostela

Rótulos Ageitos CBPS - CB Ribeira 66 - 30
Por el entrenador Juan Filgueiras

Partido disputado  o venres as 20:00 en Portosín.
As nosas rapazas realizaron un bo encontro pese a non sair con tanta intensidade coma no encontro anterior.

Destacar que o equipo xogou con varias xogadoras con molestias e recen saídas de lesións.

Foron convocadas Lara, María e Raquel do infantil feminino. Lara finalmente non puido debutar por molestias pero Raquel e María disputaron de moitos minutos.

A nota negativa a puxeron os pais e nais de equipo visitante co seu comportamento na grada.

Foi un encontro doado que sirve para preparar o próximo contra Cluny.

Xogaron: Antia, Valeria, Andrea, Sabela, Martina, Noa, Carla, Carmen, Maria, Raquel. Lesionadas Lara e Mariña

Rótulos Ageitos CBPS - Cluny 51 - 39

Polo coach Jose

Vitoria moi traballada polas cadetes do Rótulos Ageitos CBPS, cun equipo moi minguado polas lesións.

O partido foi moi igualado durante os catro cuartos e aínda que as sonenses, sempre levaron a dianteira no electrónico, non conseguían coller unha vantaxe clara para xogar con tranquilidade. As santiaguesas seguían enganchadas o partido co aire que lles daban as perdas locais por mor de precipitacións nos pases e os despistes en defensa.

Defensa que foi mellorando e conseguimos bos roubos de balón e canastras correndo o contraataque grazas á intensidade e a boa colocación das xogadoras da axuda.
Temos que seguir traballando a toma de decisións no ataque, encarando o aro con decisión, cambios de ritmo e asegurando as finalizacións, para non fallar canastras fáciles debaixo do aro.

Hoxe o sacrificio foi grande, no que as xogadoras deixaron todo na cancha e pese o cansacio e as molestias, seguiron a remar sumando entre todas como equipo.

Esperamos recuperar as que seguen lesionadas e as que veñen recuperando, que acaden a forma física o antes posible.
BO TRABALLO!

Xogaron: Mariña, Antía, Carla, Sabela, Carmen, Noa, Andrea e Valeria. Martina lesionada

CADETE MASCULINO
Liga Zonal federada de Compostela

San Pelayo - Tiendas Pillados/A Nosa Ría CBPS 29 - 75

Por el entrenador Juan Filgueiras.

Unha posta en escena cun 18/0 foi suficiente para romper o encontro.

Destacar que pese a diferencia no electrónico os adestradores Mozan e Juan destacan o bo traballo do equipo visitante moi activo en defensa e con moitas variable en acción tácticas ofensivas. Felicitar ao rival polo seu traballo e compromiso.

No noso conxunto destacar o desacerto no tiro de 3 puntos pero en boa selección de tiro. Contraataques moi ben corridos e lecturas nos bloqueos directos.

Xogaron Fran, Pinaya, Martín, Andrés, Noel, Denis, Abel, Isaac, Henok e Manu.
1º encontro da segunda volta e o equipo segue invicto.

E esta foi a visión dos adestradores CBPs sobre a xornada, e así a contamos