A CRÓNICA DA XORNADA DOS ADESTRADORES

Neste fin de semana #EnNegro, @s rapazas e rapaces do CBPS seguiron participando á cousa máis importante das menos importantes; o baloncesto. 
Vexamos como lles foi, segundo a pluma dos seus adestradores.

Premini
Liga Zonal de Santiago de Compostela

E.B Negreira CBPS 24 - La Sallle 47

Polo Coach Jose

Hoxe a E.B Negreira CBPS xogamos contra os escolares de La Salle, un equipo físico que levou a victoria de forma clara. 

Escapada

Pola nosa parte, non estivemos acertados de cara o aro, fallando moitas canastras pola precipitación. Só vencemos no quinto tempo, pero no foi suficiente para achegarnos no marcador, así que no sexto tódos os xogadores foron premiados con minutos extra. 

Elevación

O resultado non reflexa a melloría dos rapaces e rapazas da EB Negreira CBPS, pero durante o o xogo poidemos ver xogadas de combinación de varios pases buscando o compañeiro mellor colocado para meter canastra. Transicións con pases sobre bote dende o medio campo, reversos e cambios de man para escapar da defensa e máis recursos traballados nos adestramentos.

Loita

Xogaron: Hugo Q, Hugo B, Paula, Álvaro, Carmen, Amaya e Nico.

Ana baixa por enfermidade e Sophia por unha viaxe

Brión CBPS 42 - La Salle Mixto 36

Polo coach Chechu

Son case 33 anos os que levo vencellado ao deporte da canastra e podo decir que o sábado foi un dos partidos dos que máis disfrutei. Ver aos meus pequechos loitar, esforzarse, mellorar, sorrir... Non ten prezo. 

Frenando

Tamén quero destacar que unha das razóns polo que o partido foi tan fermoso é porque o equipo rival foi un excelente contrincante, cuns nenos tamén aprendendo a ser deportistas e un adestrador cos valores da deportividade por bandeira. 

Atrapado

O partido foi moi igualado en todo momento, con grandes momentos dos nosos xogadores onde xa comezan a coñecer como funciona este deporte. Foron necesarias dúas prórrogas para desfacer o empate pero ao final a victoria viaxou a Brión, para ledicia de siareiros, pais e adestrador. 

Parole, parole, parole

Noraboa a Ainhoa R. e Ainhoa I., a Hugo e a Xabi, a Sofía e Martiño, a Dani e Jeni e tamén Noa e Iria por ser unhas e uns megacracks do basquet.

Basketdeza 69 - Restaurante Portofino CBPS 27

Polo cervantino Javi Beiro

- Vou escribir unha crónica que nin Cervantes!

Terceiro partido de liga para os rapaces do Restaurante Portofino CBPS adestrados por Javier e Valeria. O partido comenzou igualado nos tres, catro primeiros minutos do cuarto inicial, os sonenses respondían de forma axeitada a superioridade física dos lalinenses que non técnica. Foron os propios erros dos xogadores do equipo da costa o que os levou a permitir que os do Deza se escaparan no marcador tras varias perdas de balón ou despistes varios na defensa.

Cabizbaixos

A partir de aí, repetiuse esa tónica no encontro que fixo que o despegue no marcador por parte do Basketdeza continuase ata que no quinto e sexto periodo os xogadores do restaurante Portofino CBPS recuperaron a calma e foron quen de encadenar boas defensas con xogadas combinativas en ataque sendo estes dous periodos mais igualados.

O sonriso do chof

Xogaron: Dani, Oscar, Iago, José, Lucas, Iker, Mauro, Brais e Elba. Os irmáns James e Sophie Hall siguen de baixa por temas burocráticos.

Mini Feminino
Liga Zonal de Santiago de Compostela

A Estrada 22 - Tradigas-procesados Portosin CBPS 52

Polo Coach David Suárez

Bo partido do Tradigas-procesados Portosín que cunha gran defensa fíxose co dominio do partido dende o primeiro periodo, aínda que no marcador costou algo máis debido á gran cantidade de erros de cara o aro. 

Superioridade

A partires do descanso mellorou o acerto e a diferencia foi medrando ata o 22 - 52 final. 

- Escribir non é o meu

Xogaron: Xiana, Lía, Aitana, Ainhoa, Ana, Lucía, Julia, Iría, Marcela e Candela

Mini Masculino
Liga zonal de Santiago de Compostela

We Robots-Larpeiradas CBPS 36 Galogrín 24

Polo coach Álex 

Nesta xornada tocounos ao We Robots-Larpeiradas CBPS enfrentarnos contra o equipo Galogrín. 

A Tropa de Álex

Foi un partido moi igualado, ata que no último tempo conseguimos irnos no marcador ata acadar unha distancia de 10 puntos. 

Semana a semana seguimos traballando para mellorar.

Unionismo

Xogaron: Alex, Samu, Celso, Lucas, Dani, Álvaro, Lois, Roi e Alexo.

Escolas Brión/Negreira/Lousame CBPS 9 - La Salle 49

Polo coach Mozan

Segundo partido do Escolas Brión/Negreira/Lousame CBPS nesta nova singladura dos nosos nenos e nenas, que xogan por primeira vez una competición oficial. Nervos igual que aconteceu na derradeira semana, e tamen moita ilusión por voltar a xogar.

Explicación

Moi pouco a pouco os xogadores vanse colocándose millor na pista e coñocendo e identificando os básicos, tanto do regulamento, coma das dimensións da pista e a forma de ubicarse na mesma.

O que si teñen perfectamente grabado a lume é que este é un xogo de colaboración e coperación, e así móstranse bastante xenerosos á  hora de compartir o balón entre eles.

O marcador final reflexa a superioridade do noso rival, que amosouse coma un equipo ben traballado, onde tamén os seus componentes son quen de pasarse entre eles o balón moi rápido.

O millor de todo e que xa no vestiario os nosos xogadores e xogadoras xa estaban 
preguntando a hora e máis o pavillón do seguinte partido.

Ninguén va ser quen de desanimarlos …

Deportividade

Xogaron: Nacho, Oscar, Sofá, Martiño, Alex, Pedro, Dani, Angela, Rodrigo e Martín

Infantil Feminino
Liga Zonal de santiago de Compostela

Pescados Bormar CBPS 58 - LaSalle 08

Polo coach Mozan

Pouco e muito ten que comentar o partido xogado polo Pescados Bormar CBPS  este domingo ás 10 da maña.

As veteranas abriron o baile

Pouco porque dende o punto de vista do xogo e do resultado as nosas amosárosen moi superiores a un rival que se ve ben traballado e que amosa diferentes cousas no terreo de xogo.

E muito que comentar porque o partido en si foi un acto de COMPROMISO modélico por parte das tres xogadoras do equipo preinfantil convocadas e tamén por as dúas xogadoras veteranas do equipo.

Toca explicarse, as primeiras porque as 12 da maña tiñan en Santiago de Compostela un Ceti, e as 09/30 xa estaban quentando co equipo. A ninguén se lle escapa que aos cetis as xogadoras gustalles acudir nas millores condicións físicas posibles para una vez ali poder demostrar o seu verdadeiro potencial. Pero o club é o club e as súas compañeiras están por diante de calqueira cousa, e así, sin regatear o máis mínimo esforzo, xogaron 20 minutos para acadar unha vantaxe que lle permitisen ás nosas novas xogadoras xogar e curtirse sen preocuparse polo marcador. E as dúas “veteranas” do equipo non ían a ser menos e así xogaron ambas tocadas fisicamente. Foi moi simpático ver como cada unha delas viñeron comentar, en segreto, ca outra estaba mancada.

As novas sumaron (incluso lesionadas)

Tamén hai que salientar o debút da xogadora do equipo de Minibasquet Xiana, que foi quen de anotar unha canastra moi celebrada polos alí presentes.

As minis apoiaron

En fin o partido DO COMPROMISO. Iso tense ou non se ten. Non cambiades nunca, raparigas.

Xogaron: Xiana, Iria, Candela, Maria, Raquel, Nuria, Paula, Noa, Candela, Noa e Xiana.

Infantil Masculino
Liga Zonal de Santiago de Compostela

Brión CBPS 16 - CB Outes 67

Polo coach Mozan

O remate do encontro o adestrador do Brión CBPS amosábase moi satisfeito co atrevimiento mostrado polos seus xogadores á hora de intentar facer cousas sobre a pista. Pese a ser o terceiro partido que xogan na súa vida, a diferenza con respecto ao primeiro e segundo encontro foi precisamente esa, a decisión á hora de facer cousas. A idea é a de “equivocarse “ e cometer fallos por un exceso de gañas de botar o balón o chan, de pasalo e, obviamente, de lanzalo a canastra.

Buscando oco

O partido non tivo historia alguna frente a un moi bo CB Serra De Outes que, con rápidas contras, anotaba moi doadamente na nosa canastra e que tamén mostrábase moi solido na súa defensa individual, presionando moi ben o balón e anticipándose aos pases.

Tapando ocos

E o millor de todo é que, rematado o encontro, a lectura que fixeron os nosos xoves xogadores é que hai que empezar xa a deixar de ter medo os contactos físicos e temos que empezar a ser valentes á hora por, exemplo, de colocarnos diante dun atacante que avanza correndo cara a canastra.

Escapar non é doado

Xogaron: Unai, Miguel, Pablo, Carlos, Abel, Alvaro, Mateo e Jaime.

Cadete Feminino
Liga Zonal de Santiago de Compostela

Rótulos Ageitos CBPS 80 - Elidente Rianxo 25

Polo delegado que non delgado Bule

Novo salto

Na vida hai encontros e desencontros. Que lle imos facer, se fósemos todos compatibles seriamos todo máis doado. Pero nin sequera os cargadores de móviles son todos iguais. Así que, cando non se conecta, o mellor é buscar un cable que encaixe mellor.

Movimentos

E por segundo ano o coach Jose atópase coa situación de ter que ser quen de levar a este equipo a bó porto. E pese ao ser do interior, xa demostrou polo pasado ser un navegante máis que capaz.

Zona completa

Sobre o partido, pouco que comentar. Unhas comprometidas xogadoras do Rótulos Ageitos CBPS foron moi superiores, e iso que contaban con algunha baixa como a de Mariña ou Xiana, á que se engadiu o nocello de Carla no terceiro cuarto.

Enfronte, o equipo rival non foi quen de contrarrestar ás locais pese a unha lamentable zona 2-3 os 40 minutos, vestixio resultadista doutra época onde o resultado primaba. Hai maneiras de perder ou gañar pero a formación de xogadores debería ser innegociable. Xogar ao hipotético fallo non é unha delas. Unha mágoa ver estas cousas en 2018.

Total pa que

Total, nova etapa, novas sensacións e novo rumbo. Pero será a tripulación quen decida a que porto quere chegar.

Xogaron: Carmen, Carla, Andrea, Noa, Antía, Sabela, Martina e Valeria.

E esta foi a nosa mirada sobre a xornada, e así a contamos