mércores, 29 de marzo de 2017

A XORNADA FEGABA

Nova xornada nas fases finais das ligas FEGABA. Así lles foi aos distintos equipos implicados nesta xornada, contado polos seus protagonistas-

INFANTIL FEMININO.
COMPAÑÍA DE MARÍA - PESCADOS BORMAR CBPS 34-37

Polo novelista Juan Trillo Chi

Escoitando a palabra

Vitoria sufrida nun mal encontro das xogadoras sonenses do Pescados Bormar CBPS.
Comezaba o partido cun 4-13 no marcador para as sonenses logo do primeiro cuarto, co cal asemellaba que podía ser un encontro doado e sen moitas complicacións, pero distaba moito do que estaría por vir.

Descifrando a palabra


O equipo santiagués xogou con maior intensidade defensiva e ofensiva nos seguintes cuartos, mentras que a relaxación no xogo das nosas xogadoras era algo que se facía cada vez máis patente. Estes factores fixeron que o equipo contrario recortase distancias nos dous seguintes cuartos, 11-8 e 10-4, chegando ao derradeiro cuarto con igualdade no marcador.

Distintas, iguais.
Nos últimos 10 minutos, as xogadoras sonenses non eran quen de reaccionar ao mal xogo que amosamos durante todo o partido, e a sorte tampouco nos acompañaba logo de errar en varias entradas a canasta, que nos podía dar puntos de comodidade.

Espíritu

A falta de 2 minutos para o final, o equipo de Compañía conseguía poñerse por diante no marcador. A partires de ahí, a atitude das xogadoras do Pescados Bormar CBPS foi o de entrega 100% para dar volta a situación. Un par de defensas intensas e bo movemento do balón foron as cartas gañadoras para conseguir saír de Santiago cunha nova vitoria.

A vitoria dende atrás

Xogaron: Rut, Mariña, Valeria, Carmen, Martina, Andrea L., Melanie, Carla, Xiana, Noa e Olimpia.

Enlaces ás fotos que distan moito de ser as de Uxío pero aínda hai algunha chula, aquí.

INFANTIL MASCULINO
SANTA BAIA - PACO'S MODA CBPS
Polo parco en palabaras escritas Juan Filgueiras 

Entrando na batalla

Encontro onde o Paco's Moda CBPS xogaron a medio gas.
Rapidamente, o equipo laranxa mostrouse claramente superior aos rapaces de Boiro.

Velocidade
Ante esta situación, e sen perigo no marcador, buscouse traballar aspectos defensivos de cara á fase de ascenso e situacións ofensivas especiais.

O reaxuste defensivo
Todos os rapaces realizaron xogadas de mérito.

A Escapada
Xogaron Miguel, Fran, Noel, Isma, Abel, Adrián, Martín e Andrés.

XUVENIL MASCULINO
FISIOTERAPIA CINESIA CBPS - C.B AMES  68-63
Polo peso pesado Bule

Semper fidelis
Partido estrano o xogado o domingo mañá en Trapa entre o Fisioterapia Cinesia CBPS e o CB Ames.

Sonense esmagado, alegoría

Dende o minuto un ata o descanso, o rapaces do equipo local estiveron cunha hora menos en todo; intensidade, concentración, gañas, lucidez, baloncesto. En ningún momeno deron a sensación de estar no partido, á diferenza dos seus rivais que estaban entregados á súa causa.



Sonense noqueado, alegoría

Cando chegou o descanso, o 21 - 47 do marcador non deixa dúbidas sobre o que sucedeu na pista.


Sonense rodeado, alegoría
O que pasou no vestuario local durante os 10 minutos de descanso só o saben os protagonistas. Iso si, as palabras de Juan Filgueiras tiveron un efecto revitalizador nos locais.

Segredos de vestuario, robado.

E unha vez posto en hora o seu reloxo, os sonenses foron unha maquinaria imparábel para os amesáns. Paso a paso, defensa a defensa, o Fisioterapia Cinesia CBPS recurtou a súa desvantaxe.


Renacimento
Primeiro 13 puntos ao final do terceiro cuarto, e así ata pórse con 10 puntos de vantaxe no derradeiro minuto.

Poder

Uns últimos segundos caóticos só serviron para deixar a diferenza en 5 puntos, e a sensación de cando queren, estes muchachos saben xogar moi ben a isto.


Alivio trala agonía

Xogaron; Fernán, André, Castelao, Pablo, Baloko, Iván, Toño, Iago, David, Roi e Adrián.

A galería de fotos de Uxío, AQUÍ

SENIOR MASCULINO
C.A.B ARZÚA - TIENDAS PILLADOS CBPS 48-43
Polo chófer Bule 
 
Os últimos de Arzúa

Trala decepción de non meterse na fase de ascenso polo basket average, ao Tiendas Pillados CBPS lles queda xogar uns partidos que non aportan nada, salvo ás arcas da FEGABA.
E para colmo, tocou viaxar a Arzúa este fin de semana.
Ante este sin sentido e a desbandada xeral, só podemos agradecerlle a Chi, Carlos, Serxio, o medio tocado David e o xuvenil Castelao o compromiso que amosaron co club indo xogar este partido. Grazas de corazón.
Do encontro, tan só dicir que o bocata post partido estivo caralludo.

E así foi a nosa mirada sobre a xornada, e así a contamos.