A XORNADA XOGADE

Volveu a liga XOGADE ás pistas de Trapa. Coma sempre, houbo de todo, así que démoslle a palabra aos adestradores que viviron así esta nova xornada.

PREMINI

RESTAURANTE PORTOFINO CBPS - C.B. RIBEIRA 14 - 53
Polo adestrador Luky

Os rapaces e rapazas do Restaurante Portofino CBPS tiveron unha tarde de sábado complicada fronte a un CB Ribeira moi superior fisicamente.

Verde atrapado

Malia todo, foi un partido onde os nosos peques foron mellorando na defensa individual e no xogo en equipo con numerosos pases.

Postureo coach molón

Faltan aspecto normais da idade de competir pero tecnicamente apreciáronse melloras no bote, pase e e tiro.

Sempre cara adiante

Xogaron: Yago, Iván, Alex, Julia, Álvaro, Alexo, Jose, Lucía, Daniela, Lucas, Roi.

Sábado á tarde de relax en equipo

WE ROBOTS CBPS - SANTA BAIA  65-38
Polo adestrador Chechu Yáñez

Interesante partido o xogado esta tarde de domingo en Portosín entre o We Robots CBPS é o Santa Baia.

Densidade baixo a mirada da coach

O equipo local chegaba coas baixas de Lois e Álex ante un equipo con moito máis físico. Un mal comezo fixo que os visitantes marcharan no taboleiro 9-20 ao remate do segundo cuarto.

Veña, espabilamos e volteamos isto!

Foi no terceiro período cando os nosos nenos comezaron a despregar o seu habitual xogo. Comandados por Samu, os rapaces deron a volta ao marcador e deixaron fermosas xogadas para disfrute do numeroso público. 

- Moi ben rapaces, estivéstedes ben

Xogaron: Iria, Marcela, Lía, Dani, Celso,  Samu, Martiño e Óscar.

MINI

RESTAURANTE O PORTO MELCHOR - C.B. RIVEIRA 30-64
Polo adestrador David Suárez

Derrota do Restaurante O Porto CBPS ante un bo Ribeira.

-Veña Alex, ti coma sempre sen medo!

Pese ao marcador, viuse por momentos unha melloría na colocación no campo tanto en ataque como en defensa.

A colocación é o traballo de todos.

Sen embargo, unha semana máis, os numerosos erros nas finalizacións nos privaron de estar máis preto no marcador.

- Se chegamos a finalizar ben, mimá!

Xogaron: Alberto, Leo, Henok, Jaime, Lois, Manu Balvis, Manu Cabido, Hugo e os preminis Samu e Alex

EXCAVACIONES DARÍO CBPS - SANTA BAIA 48-8
Polo adestrador Javi Beiro

Volvían a cancha as nosas minis do Excavaciones Darío CBPS, desta vez na casa, no pavillón David Vidal de Portosín ante o Santa Baia de Boiro.

- Que que fago domingo? Pois xogarei coas minis! 

O partido sirveu para que cuarto a cuarto as xogadoras intentasen practicar no partido os exercicios practicados durante a seman nos adestramentos e que poucas veces se consigueu.

Ainda así as sonenses acadaron a vitoria pero deben seguir mellorando especialmente e unha vez mais no seu xogo de ataque.

- Parabéns Paula!
- Se foi onte sábado!
- Xa, pero non hai fotos do domingo, así que, parabéns again!

Xogaron: Xiana, Noa I., Noa F., Sara, Isabela, Olimpia e a premini Daniela.

INFANTIL-CADETE

PARRILLADA A NOSA RÍA CBPS - C.B. RIBEIRA 67-29
Poloa adestrador en funcións Javi Beiro

Beleza na mesa

O  partido do sábado a tarde debía servir para que os rapaces do Parrillada A Nosa Ría CBPS amosasen os avances que se acadan durante a semana nos adestramentos e tamén para que os cadetes que disfrutan de menos oportunidades de xogo tivesen minutos na pista.

Esperando turno

Pois ben, o partido sirveu mais para o segundo que para o primeiro, os sonenses xogaron en moitos minutos con pouca tensión defensiva e con certa pasividade en xogadas de ataque deixándose levar por un marcador favorable.

- Ven paquí que hai que xogar!

Ao final, vitoria clara pero poucas leccións das que sacar. 

- Oíde, as da mesa, sodes de aquí ou vindes aá festa?
(Infantil demostrando que lle queda moita técnica que aprender aínda)

Xogaron: Noel, Victor, Isma, Fran, Miguel, Abel, Adrián, Adrián Cervera, Martín, Denis, Henok e Manuel.

E esta foi a nosa mirada sobre a xornada XOGADE, e así a contamos.