Este venres, ás 11h30, na tenda Caracas Cenor de Noia, tenda colaboradora do CBPS e do Río Natura Monbus Obradoiro CAB, terá lugar a presentación dunha das novas fichaxes do club santiagués para esta nova tempada, o ala-pívot italo-americano Angelo Caloiaro que promete ser unha das grandes revelación da liga ACB 2015-2016.
No acto estarán presentes, xunto ao xogador, o director xeral e deportivo do Río Natura Monbus Obradoiro CAB, José Luis Mateo, así coma Ana Caruncho, directora de marketing do grupo Cenor e o noso estimado Manuel Rey, xerente da tenda e vicepresidente do grupo Cenor.
Trala rolda de prensa Angelo Caloiaro asinará autógrafos e se procederá ao sorteo dunha camiseta oficial do club santiagués dedicada por el entre os presentes.
Dende o C.B. Porto do Son invitamos a todos os membros da nosa familia baloncestística a que se acheguen e participen neste acto de promoción do noso deporte e dun dos nosos patrocinadores.
Baloncesto en femenino e masculino, en pequeno e en grande, en alegría, sempre.