Este domingo, ás
19h no Pavillón Santa Irene de Porto do Son, o equipo senior PILLLADOS
TIENDAS DE MODA C.B. Porto do Son
empeza a súa aventura ligueira.
Encadrados no grupo B da Terceira División do baloncesto autonómico, os sonenses
debutarán contra o sempre potente LaSalle santiagués na súa cancha. Este
partido servirá de indicativo sobre o
estado dun equipo que xogou a gran nivel os seus partidos de pretemporada.
Liderados dende o banco polo mítico Juan Filgueiras, o CBPS presenta un
plantel moi renovado; para esta tempada o equipo poderá contar con verdadeiros
mitos do baloncesto comarcal coma Roberto Rey, reuníndose así co seu irmá
Marcos, e Serxio, fillo pródigo sonense,
que se unen a este proxecto tras estar varios anos a sentar cátedra no club
veciño noiés.
A estas dúas importantes corporacións, súmanse a calidade de David procedente
de Negreira, a potencia do franco-noiés Maki, a polivalencia dos tamén noieses
Alvi e Chupa, a experiencia do santiagués Fran Ferraces, e a frescura dos
xuvenís Pablo e José Baloko.
Estes homes xuntaranse cos xa presentes
a tempada pasada Beny, Chi, Marcos, Juan Bale, Bule e Pouso para formar unha
mestura de veteranía e xuventude, calidade e garra que promete ofrecer grandes
tardes de baloncesto. E, por que non,
acadar o obxectivo do que apenas se fala, o ascenso á categoría superior.
 |
| As expectativas para este ano son altas. |