Este fin de semana pasado, na xornada da Copa Xogade, os equipos do C.B. Porto do Son tiveron sortes dispares.
Na xornada do sábado, na categoría premini, os nenos e nenas de EXCAVACIONES DARÍO CBPS, adestrados por Luky, perdían 29 - 43 contra o Asambal.
Na categoría mini, os rapaces de Iago do PACOS MODA CBPS derrotaban 49 - 28 ao equipo do Asambal.
Finalmente, na categoría cadete, os rapaces do FISIOTERAPIA CINESIA CBPS, e axudados pola descomunal actuación de Manuela, derrotaban aos rapaces do Asambal cun marcador final de 41 - 27.
Na xornada do domingo, tamén xornada de Copa xogade, na categoría premini, os rapaces e rapazas do PORTOFINO CBPS dirixidos por Maiuca venceron aos da Costa da Morte cun marcador final de 41 - 25.
En Categoría mini, as nenas de Juan O PESCADOR CBPS foron quen de gañar, ao límite, o seu partido contra Costa da Morte por un axustado 28 - 26
Finalmente, na categoría infantil, o equipo TIENDAS PILLADO CBPS, tamén dirixido por Juan, perdeu co CAB Padrón por un 14 - 53.
Vitorias, derrotas, o importante é seguir progresando e, sobre todo, disfrutando. Ánimo e grazas a todos e todas pola vosa participación!
Baloncesto en femenino e masculino, en pequeno e en grande, en alegría, sempre.