Ante un bo número de siareiros/as e compañeiros/as do C.B. Porto do Son Verde, os nosos chicos e chicas realizaron un moi bo encontro que dominaron de inicio a fin.
O equipo dirixido por Luky realizou un xogo colectivo onde todos os xogadores/as chegaban a pasarse o balón antes de tirar.
No descanso o marcador de 20-4 reflexaba a diferenza entre un equipo e outro. Luky daba ordes de intentar anotar todos/as e ás xogadoras e xogadores máis dominantes poñíalles como obxectivos buscar en situación de ventaxa aos seus compañeiros/as renunciando a anotar.
O resultado final do encontro foi de 10 -34 para o C.B. Porto do Son Laranxa.
O sábado á mañán adestrará outra vez o equipo e pola tarde ás 15:30 sairá para Padrón para xogar contra a Pobra.
