Este domingo 10 de Novembro ás 16:00 horas o pavillón de Trapa en Portosín vivirá a 1ª xornada da I Liga de Baloncesto " Concello de Porto do Son".
O obxectivo desta liga e que todos os nenos e nenas das distintas parroquias do Concello convivan e disfruten xogando ao baloncesto.
Só necesitas xuntarte cun grupo de amigos e amigas e formar o teu equipo. Os equipos deberán estar compostos por catro integrantes, podendo ser mixtos. Cada equipo inventarase un nome e indicará a súa parroquia.
Se algún neno ou nena non fose capaz de formar un equipo cas súas amistades, poderá xogar igual. O club buscaralle un equipo co que participar.
O torneo disputarase nas seguintes categorías:
BABYBASKET : Ed. Infantil e 1º e 2º de primaria
PREMINIBASKET: 3º e 4º de primaria
MINIBASKET: 5º e 6º de primaria
Todos os nenos e nenas que participen na liga entrarán en sorteos de material deportivo.
A liga celebrarase en varias xornadas pasando polas distintas parroquias do Concello.
O club ofrecerá o servizo de cafetería e algunha sorpresa máis.
Esperámosvos a todos e todas.